* शिंदखेडा तालुक्यातील स्वस्त धान्य दुकानदारांचे प्रलंबित धान्य वितरण कमिशन न मिळाल्यास 1 मार्च 2026 पासून धान्य वितरण बंदचा इशारा. *
=======================.==========
आज दि, 11 फेब्रुवारी 2026रोजी शिंदखेडा तालुक्याचे तहसीलदार प्रतिनिधी व तालुका पुरवठा अधिकारी नितीन नंदावर यांना शिंदखेडा तालुका रेशन संघटने मार्फत व सर्व रेशन दुकानदारांच्या उपस्थितीत तालुक्यातील दुकानदारांना सुमारे 8 ते 5महिन्यापासून धान्य वितरणचे कमिशन मिळाले नाही या संदर्भात निवेदन देण्यात आले तसे पाहता दरमहा 5 तारखेपर्यंत धान्य वाटपाचे कमिशन मिळणे अपेक्षित आहे
परंतु तसे न होता 4 महिने 5 महिने 8 महिने असा कालावधी लोटला जातो तरी देखील धान्य दुकानदारांना त्यांचे कामाचा मोबदला मिळत नाही या संदर्भात वेळोवेळी लेखी निवेदने तसेच लोकप्रतिनिधींना लेखी निवेदने देऊन रेशन दुकानदार पुरते कंटाळले आहेत ज्या दुकानदारांकडे फक्त स्वस्त धान्य दुकान हे एकमेव उदरनिर्वाहाचे साधन आहे
त्यांची परिस्थिती सध्या अतिशय गंभीर आहे शासकीय कामासंदर्भात तहसील कचेरीत येण्यासाठी काही दुकानदारांकडे एसटीचे भाडे देखील उपलब्ध होत नाही आता उपासमारीची वेळ रेशन दुकानदारांवर येऊन ठेपलेली आहे म्हणून येत्या 1मार्च 2026 पर्यंत रेशन दुकानदारांचे प्रलंबित धान्य वाटपाचे सर्व कमिशन मिळावे या आशयाचे निवेदन आज तहसीलदारांना देण्यात आले असे न झाल्यास येणाऱ्या
1 मार्च 2026 पासून तालुक्यातील संपूर्ण रेशन दुकानदार धान्य वाटप बेमुदत बंद ठेवणार आहेत बहिष्कार टाकण्यात टाकणार आहेत असा इशाराही देण्यात आलेला आहे
