मायणीच्या वत्सलाबाई गुदगे कन्या प्रशालेचा एन.एम.एम.एस. परीक्षेत डंका; श्रावणी सुढाळ प्रशालेत प्रथम!
मायणी प्रतिनिधी
मायणी भाग शिक्षण प्रसारक मंडळ संचलित वत्सलाबाई गुदगे कन्या प्रशाला, मायणी येथील विद्यार्थिनींनी इयत्ता ८ वीच्या एन.एम.एम.एस. (N.M.M.S.) परीक्षेत दैदीप्यमान यश संपादन केले आहे. ग्रामीण भागातील मुलींनी आपल्या बुद्धिमत्तेच्या जोरावर परीक्षेत घवघवीत यश मिळवून शाळेचा व मायणी परिसराचा नावलौकिक वाढवला आहे.
यशाचा आलेख:या परीक्षेसाठी प्रशालेतील एकूण ७६ विद्यार्थिनी प्रविष्ट झाल्या होत्या, त्यापैकी ४३ विद्यार्थिनी उत्तीर्ण झाल्या आहेत. विशेष कौतुकास्पद बाब म्हणजे १० विद्यार्थिनींनी १०० पेक्षा जास्त गुण मिळवून गुणवत्ता सिद्ध केली आहे. यामध्ये कु. श्रावणी महादेव सुढाळ हिने १४१ गुण मिळवून प्रशालेत प्रथम क्रमांक पटकावला आहे
.गुणवंत विद्यार्थिनी व त्यांचे गुण: * श्रावणी महादेव सुढाळ – १४१ गुण * यशश्री दादासो शिंदे – १२४ गुण * आलिया असिफ इनामदार – १२३ गुण * अंकिता विकास चव्हाण – १२३ गुण * ईश्वरी उमेश तांबवेकर – १२२ गुण * कोमल सर्जेराव माळी – ११२ गुण * निर्जरा प्रदीप रावताळे – १०७ गुण * वेदांती अतुल देशमुख – १०३ गुण * श्रेया अमोल शिंदे – १०३ गुण * जोया समीर मुल्ला – १०१ गुणविद्यार्थिनींच्या या यशात मार्गदर्शक शिक्षक श्री. एस.आर. चव्हाण, श्री. यु.टी. देशमुख, श्री. व्ही.बी. भोगले, श्री. पी.सी. शिंदे आणि सौ. साळुंखे मॅडम यांचा मोलाचा वाटा आहे. तसेच वर्गशिक्षक श्री. एम.ए. शिंदे (८ वी-अ) व श्री. एस.ए. पाटील (८ वी-ब) यांनी विद्यार्थिनींची जय्यत तयारी करून घेतली.
कौतुकाचा वर्षाव:या यशाबद्दल संस्थेचे सन्माननीय चेअरमन सुरेंद्र गुदगे, सर्व संचालक, मुख्याध्यापिका सौ. येवले मॅडम, पर्यवेक्षक एस.आर. बागडे, सर्व विभाग प्रमुख, शिक्षक व शिक्षकेतर कर्मचारी यांनी यशस्वी विद्यार्थिनींचे हार्दिक अभिनंदन केले आहे.फोटो ओळी _ एन.एम.एम.एस. परीक्षेत वत्सलाबाई गुदगे कन्या प्रशालेच्या विद्यार्थिनींनी यश संपादन केले. त्यांचे अभिनंदन करताना शाळेच्या मुख्याध्यापिका सौ.येवले व अन्य शिक्षकवृंद..
