मायणी – प्रतिनिधी
हणमंतराव साळुंखे विकास सेवा सोसायटीच्या उपाध्यक्षपदी पोपटशेठ गारळे यांची बिनविरोध निवड
मायणी – प्रतिनिधी
कलेढोण ता.खटाव येथील अग्रगण्य सहकारी संस्था असलेल्या हणमंतराव साळुंखे विकास सेवा सोसायटीच्या उपाध्यक्षपदी गारळेवाडीचे माजी सरपंच सन्माननीय श्री. पोपटशेठ शंकर गारळे यांची बिनविरोध निवड करण्यात आली आहे. या निवडीमुळे कलेढोण आणि गारळेवाडी परिसरातील सर्व स्तरांतून त्यांचे अभिनंदन होत आहे.
नूतन उपाध्यक्षांच्या निवडीसाठी आयोजित करण्यात आलेल्या विशेष सभेत निवडणूक निर्णय अधिकारी म्हणून भोसले यांनी कामकाज पाहिले. पोपटशेठ गारळे यांचा प्रदीर्घ सामाजिक अनुभव आणि जनसंपर्क विचारात घेऊन त्यांची या पदावर बिनविरोध निवड करण्यात आली.या निवडीनंतर महाराष्ट्र प्रदेश काँग्रेस ओबीसी सेलचे प्रदेशाध्यक्ष ,हनुमान पॅनलचे प्रमुख संजीव हणमंतराव साळुंखे यांनी आपले मत व्यक्त करताना म्हटले की, “हणमंतराव साळुंखे विकास सेवा सोसायटीने नेहमीच सभासदांचे हित जोपासण्याचे काम केले आहे. पोपटशेठ गारळे यांच्यासारखा अनुभवी आणि अभ्यासू व्यक्ती उपाध्यक्षपदी लाभल्यामुळे संस्थेच्या कामकाजाला अधिक गती मिळेल. सहकार क्षेत्रातील त्यांच्या अनुभवाचा फायदा संस्थेच्या प्रगतीसाठी आणि सभासदांच्या कल्याणासाठी निश्चितपणे होईल. त्यांच्या पुढील वाटचालीस शुभेच्छा.
या सोहळ्याप्रसंगी सन्माननीय मारुती गारळे, चेअरमन महेश पाटील, ज्येष्ठ संचालक प्रकाश शेटे, माजी उपाध्यक्ष सचिन चव्हाण, शिवाजी इंगवले, सुतार गुरुजी, विजय साखरे, लिंगायत समाजाचे अध्यक्ष राजेंद्र लोखंडे, कुंभार सर, युवराज बुधावले, मोहन खांडेकर, श्रीमती ढोकळे, जावेद कुमठेकर यांच्यासह संस्थेचे सर्व संचालक, कर्मचारी वर्ग, कलेढोण व गारळेवाडी येथील ग्रामस्थ उपस्थित होते.फोटो- हनुमान पॅनेलच्या वतीने नूतन उपाध्यक्ष पोपट गारळे सत्कार करताना संजीव साळुंखे व अन्य मान्यवर..
