*आटपाडीच्या शिरपेचात मानाचा तुरा! निर्भीड लेखणीचा सन्मान; सुधीर पाटील यांना* *‘आदर्श पत्रकार पुरस्कार’ प्रदान**IAS प्रवीण कोळपे यांच्या हस्ते गौरव; आयडियल अकॅडमीचा स्तुत्य उपक्रम*
आटपाडी (प्रतिनिधी):
सामाजिक प्रश्नांची अचूक नस ओळखून प्रशासनाला जागृत ठेवणारी लेखणी आणि निर्भीड पत्रकारितेचा वसा जपणारे आटपाडीचे सुधीर पाटील यांना प्रतिष्ठेचा ‘आदर्श पत्रकार पुरस्कार’ देऊन गौरवण्यात आले. UPSC परीक्षेत घवघवीत यश मिळवून आय.ए.एस. (IAS) पदी झेप घेणारे प्रवीण कोळपे यांच्या हस्ते हा सन्मान सोहळा संपन्न झाला.आटपाडी येथील नामांकित ‘आयडियल अकॅडमी’ यांच्या वतीने या विशेष सन्मान सोहळ्याचे आयोजन करण्यात आले होते.
याप्रसंगी अकॅडमीचे मार्गदर्शक शरद ढगे सर, विद्यार्थी, पालक आणि सामाजिक क्षेत्रातील अनेक मान्यवर मोठ्या संख्येने उपस्थित होते.समाजभिमुख पत्रकारितेची दखलग्रामीण भागातील ज्वलंत प्रश्न जसे की पाणीटंचाई, शेतकरी समस्या, शिक्षण आणि सामाजिक न्याय या विषयांवर सुधीर पाटील यांनी सातत्याने आवाज उठवला आहे. केवळ बातमी न देता त्या माध्यमातून सर्वसामान्यांना न्याय मिळवून देणे, ही त्यांची कामाची पद्धत राहिली आहे. त्यांच्या याच सामाजिक बांधिलकीची दखल घेऊन आयडियल अकॅडमीने त्यांची या पुरस्कारासाठी निवड केली.
तरुणाईसमोर आदर्शांची भेटएका बाजूला प्रशासकीय सेवेत यश मिळवलेले प्रवीण कोळपे आणि दुसऱ्या बाजूला लोकशाहीचा चौथा स्तंभ भक्कम करणारे सुधीर पाटील, अशा दोन कर्तृत्ववान व्यक्तींच्या उपस्थितीने कार्यक्रमात एक वेगळाच उत्साह होता.पुरस्कार स्वीकारताना सुधीर पाटील म्हणाले,”हा पुरस्कार म्हणजे माझ्या जबाबदारीची जाणीव करून देणारा क्षण आहे. प्रवीण कोळपे सरांच्या यशाने आम्हाला नवी ऊर्जा दिली आहे. समाजासाठी काम करणाऱ्या प्रत्येक पत्रकाराचा हा सन्मान आहे
.”आयडियल अकॅडमीचा गौरवशाली वारसाआयडियल अकॅडमीने केवळ शैक्षणिक क्षेत्रातच नव्हे, तर सामाजिक कृतज्ञता जपण्यातही पुढाकार घेतला आहे. शरद ढगे सरांच्या मार्गदर्शनाखाली ही संस्था ग्रामीण भागातील हिरे शोधून त्यांना पैलू पाडण्याचे काम करत आहे. या उपक्रमाबद्दल उपस्थितांनी अकॅडमीचे विशेष कौतुक केले.सुधीर पाटील यांना मिळालेल्या या पुरस्काराबद्दल आटपाडी तालुक्यातील राजकीय, सामाजिक आणि शैक्षणिक स्तरातून अभिनंदनाचा वर्षाव होत आहे. ग्रामीण पत्रकारितेचा सन्मान झाल्याची भावना स्थानिक नागरिकांनी व्यक्त केली आहे.राहुल खरात यांनी विशेष कौतुक केले आहे
