राजेंद्र खरात यांचे श्रीनाथ देवस्थान ट्रस्ट वरील आरोप चुकीचे .. चंद्रकांत पुजारी
देवस्थान ट्रस्ट खरसुंडी या संस्थेच्या विरोधात आर.पी.आय. चे जिल्हाध्यक्ष राजेंद्र खरात यांनी दिनांक 6 मे 2026 रोजी पत्रकार परिषदेत केलेल्या आरोप हे पूर्ण पणे चुकीचे आहेत.
याबाबत ट्रस्टच्या वतीने चेअरमन चंद्रकांत पुजारी यांनी खुलासा केला आहे..ट्रस्टचे चेअरमन चंद्रकांत पुजारी म्हणाले राजेंद्र खरात यांनी केलेले सर्व आरोप खोटे, व चुकीच्या माहितीच्या आधारे व कोणताही पुरावा नसताना केवळ ट्रस्टची बदनामी करण्याच्या हेतूने केलेले आहेत. ट्रस्टच्या कामकाजाचे सन 1994 पासून ते 2025 पर्यंतचे सर्व लेखापरीक्षण पूर्ण झाले आहे.
व ते धर्मादाय आयुक्त कार्यालयाकडे सुपूर्द केले आहे. त्यामुळे येथे कोणत्याही अपहाराचा अथवा भ्रष्टाचाराचा विषय उपस्थित होत नाही.मंदिराच्या गाभाऱ्यातील दोन अष्टकोनी खांबावरील चांदी जीर्ण झाल्यामुळे दुरुस्तीसाठी काढलेली असून, त्यासाठी आवश्यक मासिक मीटिंगचा ठरावही केलेला आहे. चांदी काढताना त्याचा रीतसर पंचनामा होऊन ती दुरुस्तीसाठी कारागिराकडे पोहोच पावतीसह व विश्वस्तांच्या समक्ष दिलेली आहे. त्याचे लाकडावरील नक्षीकाम सुरु असून त्यावर चांदीचे नक्षीकाम बसणार आहे व ते संपूर्ण नक्षीकाम या महिन्यापर्यंत अष्टकोनी खांबावर बसवले जाणार आहे.
मागील महिन्यात चांदी कामासाठी आवश्यक असणाऱ्या लाकडाची उपलब्धता लवकर न झाल्यामुळे या कामासाठी थोडा विलंब झाला आहे. चांदी अर्पण केलेल्या भाविकांनाही संबंधित कारागिराकडे नेऊन ते दाखवण्यात आले आहे.राजेंद्र खरात यांनी देवस्थानच्या तथाकथित भ्रष्टाचाराबाबत दिलेली सोने व चांदीची आकडेवारी ही मनघडन , चुकीची व अर्धवट माहिती घेऊन दिलेली आहे व संबंधित वस्तूंचे वजन हे देखील कुठलाही पुरावा नसताना व मनमानी पद्धतीने माध्यमासमोर मांडली आहे .अशा विपर्यास्त वक्त्यामुळे तीर्थक्षेत्राकडे येणाऱ्या भाविकांमध्ये, जनतेमध्ये, देणगीदारांच्या मध्ये देवस्थानबद्दल दिशाभूल होवून गैरसमज पसरतो आहे, ही दुर्दैवी बाब आहे.
या सर्व बाबींची त्यांनी माहिती घेऊन नंतर वक्तव्य केले असते तर ते योग्य झाले असते.मागील महिन्यात राजेंद्र खरात यांनी धर्मादाय कार्यालयाकडे दिलेल्या तक्रारीच्या अनुषंगाने ट्रस्टच्या कामकाजाची चौकशी सुरू असून, प्रस्तुत कार्यालयाच्या चौकशी अहवालाची वाट न पाहता त्यांनी उपोषणाचा व आंदोलनाचा मार्ग अवलंबणार असल्याचा धमकीवजा इशारा माध्यमातून दिला आहे
, व ट्रस्टच्या विरोधात पूर्णतः खोटे आरोप केलेले आहेत. तरी या धार्मिक संस्थेची व तीर्थ क्षेत्राची नाहक बदनामी त्यांनी करू नये व भाविक आणि जनतेमध्ये संभ्रम व गैरसमज पसरवू नयेत असे आवाहन देवस्थान ट्रस्टच्या वतीने करण्यात आले आहे.फोटो चंद्रकांत पुजारी अध्यक्ष सिद्धनाथ ट्रस्ट
