गॅस एजन्सीच्या नव-नवीन नियमामुळे ग्रामीण भागातील वयोवृद्ध, अडाणी ग्राहकांची फरपट वयोवृद्ध अडाणी महिलांना गॅस मिळेनात…
गॅस एजन्सीच्या नवीन नियमामुळे ग्रामीण भागातील अडाणी व वयोवृद्ध महिलांना गॅस मिळेना अशी अवस्था झाली आहे या नवीन नियमामुळे त्यांची फरकट होत आहे.
तर अनेक महिला बिचाऱ्या दिवसभर रस्त्याच्या कडेला सिलेंडर घेऊन उन्हातान्हामध्ये बसत आहेत. परंतु गॅस सिलेंडरच्या मालकाला किंवा ड्रायव्हरला याची दया मया येत नाही. गॅस बुकिंग असून सुद्धा आडाणी महिलांना बुकिंग नंबर सांगता येत नाही.
अशा महिलांनाही गाडीचे ड्रायव्हर समजून घेत नाहीत. आणि त्यामुळे अनेक वयोवृद्ध अडाणी महिलांना सिलेंडर मिळत नाही अशी अवस्था ग्रामीण भागामध्ये झाली आहे. याबाबत अनेक गॅस धारकांनी एजन्सी मालकाशी संपर्क केला परंतु म्हणाव असा प्रतिसाद मिळाला नाही. त्यामुळे ग्रामीण भागामध्ये अलीकडच्या काळामध्ये चुलीवरचा स्वयंपाक होऊ लागला आहे असे दिसून येत आहे.
तरुण वर्गबपोटाची खळगी भरण्यासाठी मुंबई पुणे येथे कामासाठी गेले आहेत ग्रामीण भागामध्ये गावात वयोवृद्ध आई-वडील राहतात ते स्वतःच थोडेफार कष्ट करून कशी तरी उपजीविका भागवतात. तर त्यांची मुले काही पैसे देत असतात असा रडत घडत संसार सुरू असतो. अलीकडच्या काळामध्ये सर्व मुलं शिक्षण घेत आहेत. परंतु पूर्वीच्या काळामध्ये अनेक लोकांनी शिक्षण घेतलेले नाही. त्यांना मोबाईल मधलं फारसं समजत नाही आणि 60 ..70 वयाच्या अडाणी महिला पुरुष यांना कोणता नंबर आला कोणता एसएमएस आला हे समजत नाही.
आणि याचाच त्रास त्यांना होत आहे .त्यामुळे त्यांना सिलेंडर मिळत नाही, आणि पुन्हा चुलीवरच स्वयंपाक करावाच लागत आहे. याबाबत गॅस एजन्सीच्या मालकांनी व कामगारांनी समजावून सांगून बुकिंग करून बुकिंग नंबर घेऊन अशा वयोवृद्ध महिला व पुरुषांना सहकार्य करावे अशी मागणी नागरिकांतून होत आहे.
