“ईठा” चित्रपट निनाद पाटील यांचे मनोगत …जगदीश का. काशिकर,
मुक्त पत्रकार व गुंतवणुक/रोजगार – नोकरी/कामगार समस्या/कायदे सल्लागार, मुंबई, महाराष्ट्र. व्हाटसअप – ९७६८४२५७५७.ऐतिहासिक “छावा” चित्रपटानंतर आपल्या वैतरणा गावातील आगरी कोळी बॉय बाळा पाटील “ ईठा” या चित्रपटाच्या माध्यमातून पुन्हा एकदा इतिहास रचण्यास सज्ज झाला आहे.
. छत्रपती संभाजी महाराजांवर आलेल्या “छावा” चित्रपटात दिग्दर्शक लक्ष्मण उतेकरांना कलादिग्दर्शक म्हणून साथ देणाऱ्या आमच्या खेड्यातील बाळाने वैतरणा गावाला एक नवी ओळख दिली.”सर्वसामान्य घरातील एक तुमच्या आमच्या सारखा एक मुलगा बॉलिवूडमध्ये दमदारपणे पाऊल रोवू शकतो.” हे स्वप्न जागेपणी दाखवलं.. येत्या ऑगस्टमध्ये पुन्हा एकदा उतेकरांनी दिग्दर्शित केलेला “ईठा” चित्रपट येतोय.हा चित्रपट तमाशासम्राज्ञी विठाबाई नारायणगावकर यांचा बायोपिक असणार आहे.पंढरपुरात विठ्ठलाच्या यात्रेत भाऊ बापूंचा तमाशा उभा राहिला होता.
.त्याच वेळी आषाढी एकादशीच्या दिवशी शांताबाई भाऊमांग नारायणगावकर यांच्या पोटी जन्म घेतलेल्या या कन्यारत्नाचे विठ्ठलाचा प्रसाद म्हणून “विठाबाई”नाव ठेवण्यात आले.कुठलही शिक्षण न घेता तमाशातील गायकी,संवादफेक,नृत्यकला त्या आईच्या गर्भातूनच शिकून आल्या.तमाशा परंपरेत श्रीमंतीसोबत त्यांनी कमालीचे दारिद्र्यही पाहिले.या तमाशा कलेचा उपयोग त्यांनी लोकशिक्षणासाठी केला. शिखर शिंगणापूरच्या यात्रेत तमाशा करताना नऊ महिन्याची गर्भार असताना त्या बोर्डावर उभ्या राहिल्या.बाळंतपणाच्या कळा येवून त्यांच्या गर्भ पिशवीला तोंड फुटले.तिथेच मागे कनातीत नादराबाई नावाच्या आज्जीने त्यांचे बाळंतपण केले.बाळाची नाळ धारदार दगडाने तोडून प्रेक्षकांच्या आग्रहास्तव त्या पुन्हा बोर्डावर उभ्या राहिल्या.हे सर्व कलेच्या निष्ठेपायी. १९५७ आणि १९९० साली त्यांना राष्ट्रपतीकडून गौरविण्यातही आले.पुढे महाराष्ट्र शासनाने त्यांच्या “विठाबाई नारायणगावकर जीवनगौरव पुरस्कार” सुरू केला..
“ ईठा” या बायोपिक मध्ये श्रध्दा कपूर मुख्य भूमिकेत आहे..आज तमाशाचा तमाशा झाला आहे.पण एके काळी निष्ठेने मायबाप रसिकांना तमाशातून प्रबोधन करणाऱ्या ईठाचा बायोपीक सिनेरसिकांना हेलावून टाकणार एवढं नक्कीच..आणि अशा या चित्रपटात आमचा बाळा कला दिग्दर्शक म्हणून काम करतो आहे हे ऐकून आमच्या अंगावर शहारे आले नसते..तरच नवल… बाळा आम्हाला तुझ्यावर अभिमान आहे ..कला क्षेत्राच्या माध्यमातून आपल्या पालघर वासियांचा झेंडा तू अटकेपार न्यावा..हीच आई जगदंबेचरणी प्रार्थना..
