सिडकोच्या बेजबाबदार नियोजनाचा कळस – नवी मुंबईतील एकाही रेल्वे स्टेशनला लिफ्ट नाही*
*नवी मुंबई, 04 एप्रिल 2026* – “नियोजित शहर” म्हणून जगभरात गाजणाऱ्या नवी मुंबईच्या विकासाची पोलखोल झाली आहे. सिडकोने 50 वर्षांपूर्वी शहराची आखणी करताना सर्वात मूलभूत घटक विसरला – *माणूस.* आज नवी मुंबईतील एकाही रेल्वे स्टेशनवर ज्येष्ठ नागरिक आणि दिव्यांगांसाठी लिफ्टची सुविधा नाही.
सरकते जिने तर दूरच. याचा अर्थ 25 लाख लोकसंख्येच्या शहरात एकही ज्येष्ठ नागरिक किंवा व्हीलचेअरवर असणारी व्यक्ती सन्मानाने लोकल पकडू शकत नाही.वाशी, नेरुळ, बेलापूर, पनवेल, खारघर, कोपरखैरणे… कोणतेही स्टेशन घ्या. सर्वत्र फक्त उंच पायऱ्या. गुडघेदुखी, हृदयरोग, श्वासाचा त्रास असणाऱ्या ज्येष्ठांना रोज मृत्यूशी झुंज देत हे अंतर पार करावे लागते.
पावसाळ्यात या पायऱ्या निसरड्या होऊन अपघात होतात.मुंबईत 90% स्टेशनवर लिफ्ट आहेत. ठाण्यात आहेत. पण “नियोजित” नवी मुंबईत नाहीत. हा केवळ निष्काळजीपणा नाही, तर ज्येष्ठ आणि दिव्यांगांप्रती असणाऱ्या व्यवस्थेच्या उदासीनतेचे प्रतीक आहे.*फेस्कॉम मुंबई – नवी मुंबई प्रादेशिक विभागाची ठाम मागणी*
1. सिडकोने 30 दिवसांच्या आत प्रत्येक स्टेशनवर लिफ्ट बसवण्याचा कृती आराखडा आणि निधी जाहीर करावा. 2. यासाठी रेल्वे आणि केंद्र सरकारसोबत समन्वयाने विशेष निधी आणावा. 3. ही सुविधा म्हणजे दया नाही, तर आमचा घटनात्मक अधिकार आहे.जर नवी मुंबई खरोखरच “नियोजित” आणि “स्मार्ट” असेल, तर आधी ती “सर्वांसाठी सुलभ” झाली पाहिजे
.*सुरेश ईश्वर पोटे* *अध्यक्ष – फेस्कॉम (FESCOM) मुंबई – नवी मुंबई प्रादेशिक विभाग*
