नोकरीच्या मागे न लागता तरुणांनी व्यवसाय करावा :- आ.गोपीचंद पडळकर
आटपाडी – प्रतिनिधी
माण तालुक्यात दुष्काळ असला तरी येथे बुध्दीचा सुकाळ आहे. संकटावर मात करण्याची धमक या तालुक्यातील तरुणामध्ये आहे. सुशिक्षित तरुण वर्गाने नोकरीच्या पाठीमागे न लागता स्वतःचा व्यवसाय करावा असे प्रतिपादन विधान परिषदेचे सदस्य आ.गोपीचंद पडळकर यांनी स्वराज मेडिकलचे उदघाटन प्रसंगी केले आहे.
बनगरवाडी ता.माण येथील सुपूत्र कोयाप्पा लिंबाजी बनगर यांनी झरे नव्याने सूरु केलेल्या स्वराज मेडिकल आणि जनरल स्टोअर्सचे उदघाटन आ.गोपीचंद पडळकर यांच्या हस्ते करण्यात आले. त्यावेळी ते बोलत होते.
यावेळी सांगलीचे केमिस्ट भवनचे उपाध्यक्ष शिवराज देशमुख , समाज कल्याण समितीचे माजी सभापती ब्रम्हदेव पडळकर , सभापती जयवंतराव सरगर , माजी उपसभापती नारायण चवरे , मार्केट कमिटीचे सदस्य दिलीप खिलारी , झरचे सरपंच अधिकराव माने , विभूतवाडीचे सरपंच चंद्रकांत पावणे , उपसरपंच हणमंतराव मोटे , उपसरपंच आप्पासाहेब भानुसे , माजी उपसरपंच मनोहर चव्हाण , मेडिकल असोसिएशनचे अध्यक्ष जयसिंह पाटील , जिल्हाध्यक्ष गौरीहर पवार आदी मान्यवर उपस्थित होते.
आ.पडळकर पुढे बोलताना म्हणाले या माणदेशात नेहमीच दुष्काळ असतो तरीपण या भागातील तरुण बुध्दीजीवी आहेत. संकटावर मात करणारा आहे. अनेक तरुणांनी यशस्वी व्यवसाय करून अनेकांपुढे आदर्श ठेवला आहे. कोयाप्पा बनगर यांनी ग्राहकांच्या आरोग्याची काळजी व चांगली सेवा दिल्यास भविष्यात यश निश्चित मिळेल. बनगर यास मी नेहमी मदत करीन असे ही आ. पडळकर यांनी आवर्जून सांगितले आहे.
यावेळी शिवराज देशमुख , प्रा.सचिन व्होनमाने , बापूराव बनगर , भारत अनुसे यांनी मनोगत व्यक्त केले. वरकुटे – मलवडी सोसायटीचे माजी चेअरमन सदाशिव बनगर , केमिस्ट अँन्ड ड्रगिस्टचे अध्यक्ष बापूसाहेब गिड्डे , माजी सरपंच किसन कटरे , शेनवडीचे सरपंच धनाजी कदम , माजी सरपंच सुनिल सरक , सिध्दनाथ थोरात , विरळीचे सरपंच प्रशांत गोरड , काळचौडींचे सरपंच भाऊसाहेब माने , बनगरवाडीचे सरपंच सुरेश बनगर , माजी सरपंच प्रल्हाद अनुसे , तानाजी शेठ बनगर , रमेश खरात आदी मान्यवर उपस्थित होते
फोटो -झरे :- स्वराज मेडिकलचे उदघाटन करताना आ.गोपीचंद पडळकर , शेजारी शिवराज देशमुख , कोयाप्पा बनगर व इतर मान्यवर
