. झरेत घरकुलाचे १९७ प्रस्ताव पण 15 घरकुले मंजूर म्हणजे 7 टक्केच
माणगंगा न्युज | विशेष वृत्त
झरे गावावर घरकुल मंजुरीत अन्याय ? १९७ प्रस्तावांपैकी 15 प्रस्ताव मंजूर म्हणजे अवघी ७ टक्के घरकुले मंजूर झाली आहेत.मोठी बाजारपेठ आणि तीन तालुक्यांच्या सीमेवरील महत्त्वाचे गाव; प्रलंबित घरकुलांना तातडीने मंजुरी देण्याची ग्रामस्थांची मागणी.
झरे | प्रतिनिधीआटपाडी तालुक्याच्या पश्चिम भागातील महत्त्वाचे आणि मोठी बाजारपेठ असलेल्या झरे गावातून घरकुलासाठी १९७ प्रस्ताव सादर करण्यात आले असताना प्रत्यक्षात केवळ ७ टक्के घरकुलांना मंजुरी मिळाल्याने ग्रामस्थांमधून तीव्र नाराजी व्यक्त होत आहे.
एकूण प्रस्तावांच्या तुलनेत ही मंजुरी अवघी सुमारे 7 टक्के असल्याने घरकुल लाभार्थ्यांवर अन्याय झाल्याची भावना व्यक्त केली जात आहे.झरे हे सांगली-सातारा जिल्ह्याच्या सरहद्दीवरील तसेच माण, खटाव आणि आटपाडी तालुक्यांच्या सीमेलगत असलेले महत्त्वाचे गाव आहे. आटपाडी पश्चिम भागातील मोठी बाजारपेठ म्हणूनही झरेची ओळख असून परिसरातील अनेक गावांचा दैनंदिन व्यवहार या बाजारपेठेशी जोडलेला आहे. रविवारी येथे मोठ्या प्रमाणावर बाजार भरत असल्याने व्यापारी, शेतकरी आणि नागरिकांची मोठी वर्दळ असते.
त्याचबरोबर कराड-पंढरपूर महामार्ग झरे गावातून जात असल्याने गावाचे भौगोलिक आणि व्यापारी महत्त्व आणखी वाढले आहे. असे असतानाही घरकुल योजनेत गावातील मोठ्या संख्येने पात्र व गरजू लाभार्थ्यांचे प्रस्ताव प्रलंबित राहिल्याने शासनाच्या धोरणाबाबत सर्व स्तरांतून नाराजी व्यक्त केली जात आहे.१९७ प्रस्ताव… मंजुरी फक्त ७; टकके उर्वरित लाभार्थ्यांचे काय?घरकुलाची गरज असलेल्या कुटुंबांनी आवश्यक कागदपत्रांसह प्रस्ताव सादर केले आहेत. मात्र त्यातील अत्यल्प प्रस्तावांना मंजुरी मिळाल्याने “उर्वरित गरजू कुटुंबांना घरकुलाचा लाभ कधी मिळणार?” असा सवाल ग्रामस्थ उपस्थित करीत आहेत.
झरे गावातील पात्र व गरजू लाभार्थ्यांवर अन्याय होऊ नये, यासाठी प्रलंबित असलेल्या घरकुल प्रस्तावांची तातडीने तपासणी करून मागणीनुसार जास्तीत जास्त घरकुलांना त्वरित मंजुरी द्यावी, अशी मागणी ग्रामस्थ आणि लाभार्थ्यांकडून शासन व प्रशासनाकडे करण्यात येत आहे.
