रंगीबेरंगी सजावटीच्या साहित्याने त-हाडी -वरुळ बाजारपेठ सजली :- गौरी गणपतीच्या आगमनाची तयारी, साहित्य घेण्यासाठी गणेश भक्तांची लगबग
गणेशोत्सव म्हटलं की सर्वत्र आनंददायी व प्रफुल्लित वातावरण बघायला मिळते गणेशोत्सव जसजसा जवळ येतो तशी या उत्सवाच्या तयारीसाठी गणेश भक्तांची लगबग सुरू होते व बाजारातही नवनविन वस्तु बघायला मिळतात.असा हा सर्वांचा आवडता असलेला गणेशत्सव अवघ्या दोन दिवसांवर आला असुन त-हाडी -वरूळ परिसरातील येथील दूकाने व बाजारपेठा सजावटिच्या साहीत्यांनी सजल्या असुन रंगीबेरंगी झाल्याचे बघायला मिळत आहेत..
श्रावण महिना संपला की गणेश भक्तांना वेध लागतात ते म्हणजे गौरी गणपती च्या आगमणाचे दहा सप्टेंबर रोजी गणराय तर बारा सप्टेंबर रोजी श्रीमहालक्ष्मींचे आगमण होणार आहे. अशा या गणेशोत्सवाच्या स्वागताच्या तयारीला सध्या सर्वत्र वेग आला असुन सजावटीचे साहित्य खरेदी करण्यासाठी गणेश भक्तांची लगबग सुरू झाली आहे नवनवीन प्रकारच्या साहीत्यांनी दुकाने बाजारपेठ मोठ्या प्रमाणावर सजल्या आहे. यावर्षी खास ग्राहकांच्या मागणीनुसार विक्रेत्यांनी पर्यावरण पुरक आकर्षक डेकोरेशन साहीत्य विक्रीसाठी आणले आहे. यात गणपती बाप्पा चे आसन, कापडी मखर, चमकी , आंब्याच्या पानांचे तोरण , फुल माळ ,झुंबर , गणपती बाप्पा बॅनर ,रंगीबेरंगी पताके , विविध आकारामध्ये असलेल्या लाईटिग्स , फिरणारे बल्ब.आकर्षक झेंडुची फुले, फुलदाणी अशाप्रकारच्या विविध सजावटीच्या वस्तु विक्रीसाठी आल्या असल्याचे डेकोरेषन सामान विक्रेते कमलेश कोळी मुन्ना पाटील या विक्रेत्यांनी सांगितले.
मात्र या सजावटीच्या साहित्यांना कोरोणा लाॅकडाऊनचा फटका बसला असुन सजावटीच्या किंमतीत यावर्षी मोठी वाढ झाली आहे.असे असले तरीही गणेश भक्तांचा खरेदीचा उत्साह मात्र तोच आहे. तर गणपती बाप्पा च्या स्थापनेनंतर तीन दिवस माहेरवाशीन म्हणून येणार्या गौराईचे आगमन होत असते तर या गौराईंना सजवण्यासाठी लागणारे दाग दागिने, टोप , नथ , मोत्याचे हार, कंबरपट्टा, बाजुबंद तसेच बाप्पांसाठी पगडी आदी प्रकारच्या वस्तु विक्रीसाठी आल्या असल्याचे विक्रेत्यांनी सांगितले.
