शांततेसाठी मैञीभाव वाढवावा व विचार प्रगल्भ ठेवावेत—प्रा.राजा जगताप
——————————————
तेरणानगर(प्रतिनिधी)दि.१५
आजच्या बदलत्या काळात माणसं बदलत चालली आहेत,तरूण पिढीवर चांगले संस्कार होणे गरजेचे आहे.जगण्याला मर्यादित स्वरूप येत आहे त्यातूनच हिंसक प्रवृत्ती बळावत चालली आहे.पुंन्हा एकदा माणुसकी वाढवण्यासाठी,शांतता प्रस्थापित करण्यासाठी ६५वा धम्मचक्र प्रर्वतन दिन साजरा करतांना बौध्द अनुयायांनी बुध्दाचा व डाॅ.बाबासाहेबांच्या विचारांचा आदर्श ठेवण्यासाठी मैञीभाव वाढवावा व आपले विचार प्रगल्भ ठेवावेत
असे प्रतिपादन राकृष्ण परमहंस महाविद्यालयातील, मराठी विभागाचे प्रा.राजा जगताप यांनी
१५आॅक्टोंबर रोजी, श्रावस्ती बौद्ध विहार ,जय भवानी नगर ढोकी , ता.जि उस्मानाबाद येथे ६५व्या धम्मचक्र परिवर्तन दिनानिमित्त संघर्ष ग्रुप व श्रावस्ती बौद्ध विहार व्यावस्थापन कमिटी च्या वतीने आयोजित व्याख्यानात केले आहे
. प्रारंभी प्रमुख मान्यवरांचे हस्ते पंचशील ध्वजाचे अनावरण करण्यात आले.तथागत गौतम बुद्ध व भारतरत्न डॉ बाबासाहेब आंबेडकर यांच्या पुतळ्याचे पूजन प्रमुख वक्ते, प्रा.राजा जगताप व प्रमुख पाहुणे, ढोकी पोलीस स्टेशन चे (ए,पी.आय)सुरेश बनसोडे, आणि संघर्ष ग्रुप चे संस्थापक अध्यक्ष राहुल सर पोरे, दगडु धावरे (माजी समाज कल्याण सभापती) यांनी केले.
पुढे बोलताना प्रा.जगताप म्हणाले की!बौध्द धम्मात विहाराला खुपच महत्व आहे.आपल्या येथील ,विहार स्वच्छ व सुंदर असल्याने व येथील लहान मुलावर संस्कार होत असल्साने हिच पिढी अभ्यासाने जिवनात यशस्वी होईल.आपल्या विहाराचा आदर्श घेऊन उमरगा—चिवरी येथील कुलदिप बनसोडे व त्यांच्या सहका—यांनी आज त्यांचे गावात बुध्द मुर्तीची प्रतिष्ठापना करत आहेत आपण जो मैञीभाव वाढवून नवा आदर्श निर्माण करत आहात त्याला तोड नाही.भविष्यात आपली मुले चांगल्या पदाला जाण्यासाठी आपण त्यांचेवर चांगले संस्कार करावेत असे आवाहन केले.यावेळी कोरोना नियमाचे पालन करत परिसरातील बौद्ध उपासक व उपासिका मोठ्या संख्येने उपस्थित होते.
यावेळी माजी उपसरपंच, आपा कांबळे,माजी सैनिक मारुती रोकडे, जीवन ढवारे (संघर्ष ग्रुप चे अध्यक्ष), सौरभ होळकर, निखील जाधव, मोहन ढवारे,शाम ढवारे,सोरभ कांबळे आदी उपस्थित होते. बौद्ध उपासक व उपासिका उपस्थित होते
सूञसंचालन व आभार खंडू साळुंखे यांनी केले.
