अनुसया माता संस्थानास पर्यटन केंद्र बनवू – सखाराम बोबडे पडेगावकर
गंगाखेड प्रतिनिधी
अनुसया माता संस्थानाच्या बाजूलाच असलेला गोदावरी किनारा या संस्थांनास पर्यटन केंद्र बनविण्यात महत्त्वाची भूमिका बजावू शकतो. गावकऱ्यांनी एकत्र आल्यास यासाठी आपण पुढाकार घेऊत अशी माहिती परभणी लोकसभा मतदारसंघाचे 2024 चे उमेदवार सखाराम बोबडे पडेगावकर यांनी दिली.
शनिवारी सकाळी परभणी लोकसभा मतदारसंघाचे 2024 चे उमेदवार सखाराम बोबडे पडेगावकऱ यांनी भागवत मात्रे यांच्या शेतातील वाकलेले विजेचे पोल व पडलेल्या तारा ची पाहणी केली.
तत्पूर्वी अनुसया संस्थानाचे सचिव विठ्ठल भिसे पाटील यांच्या विनंतीवरून सखाराम बोबडे व सहकारी जयदेव मिसे यांनी अनुसया संस्थानास भेट देऊन दर्शन घेतले. सुरू असलेल्या विकास कामांची पाहणी केली. संस्थांनचे महाराज श्याम महाराज गिरी यांनी सखाराम बोबडे, जयदेव मिसे यांचा सत्कार केला. यावेळी बोलताना ते म्हणाले की अनुसया संस्थानाचा संपूर्ण जिल्हाभर नावलौकिक आहे .
पण आपण आज पर्यंत या संस्थांनास तीर्थक्षेत्राचा दर्जा मिळण्यासाठी पुढाकार घेऊ शकलो नाहीत. तरी यापुढे गावकरी आणि संस्थांनाचे संचालक मंडळ व सर्व भक्तजन मिळून या संस्थानास तीर्थक्षेत्राचा दर्जा मिळवून देण्यासाठी पुढाकार घेऊयात. या संस्थानाचा भक्त म्हणून मी या कामी पुढाकार घ्यायला तयार असल्याचेही त्यांनी सांगितले.
संस्थानात भक्ती निवास उभारणे ,गाई साठी गोठा उभारणी ही कामे प्राधान्याने करण्याचे गरजेचे असल्याचे संस्थानाचे सचिव विठ्ठल भिसे यांनी सांगितले. भागवत मात्रे सह गावकरी उपस्थित होते.
