❀ ३ नोव्हेंबर ❀
जागतिक सॅन्डविच दिवस
त-हाडी
आज जागतिक सॅन्डविच दिवस !
आपल्या आहारातले ब्रेडचे महत्त्व बहुधा कधीच संपणार नाही. आज प्रत्येक देशात तिथे उपलब्ध असलेल्या धान्यांप्रमाणे, हवामानाप्रमाणे आणि रीती रिवाजा प्रमाणे अनेक प्रकारच्या ब्रेडची चव आपण घेऊ शकतोय.
प्रवास करताना ब्रेडचे सॅन्डविचेस हे सर्वात उत्तम खाद्यपदार्थ ठरते. आजही सॅन्डविचच्या शिवाय शाळेच्या पिकनिकचा विचारही आपण करू शकत नाही. इथे आवर्जून सांगावंसं वाटतं की, इतर अनेक गोष्टींच्या प्रमाणेच सॅन्डविचचा शोधही चुकूनच लागला.
अठराव्या शतकात ब्रिटन मधील ‘सॅन्डविच’ नावाने ओळखल्या जाणाऱ्या भागाचे नोबल चीफ जॉन मॉनटॅगू यांना तासनतास पत्ते खेळायची आवड होती. खेळ सुरू असताना जेवणासाठी उठावे लागू नये म्हणून त्यांनी ब्रेड मध्ये मीट घालून खायची सुरुवात केली आणि सॅन्डविच जन्माला आले.
सॅन्डविच हा तर अगदी सहजपणे सर्वत्र उपलब्ध होणारा खाद्यप्रकार आहे. हे सॅन्डविच काकडी, कांदा तसेच अनेक फळभाज्या वापरून तयार केले जाते. यामुळे जी मुले भाज्या खात नाहीत, त्यांच्या पोटात आपोआप सॅन्डविचच्या माध्यमातून हे पौष्टिक पदार्थ जातात.
मसाला ग्रील आणि मेयोनीज सॅन्डविचलाही खवय्ये पसंती दर्शवतात. हा, सॅन्डविच असल्याने मुलं खूश आणि भाज्या खाल्ल्या जात असल्याने त्यांची आईही खूश असते.
मुंबई सारख्या शहरात तर गल्लोगली सॅन्डविचच्या गाड्या दिसतात. सॅन्डविचच्या दुकानात सॅन्डविचचे १०० हून अधिक प्रकार मिळतात. काहीजण सकाळी नाष्टय़ात रोज सॅन्डविच खाणे पसंत करतात. हल्ली बाजरात सॅन्डविचचा ब्रेड वेगळा मिळतो.
