बोराडी ता.शिरपूर (वार्ताहर) स्वच्छ भारत मिशन ग्रामीण टप्पा दोन व जागतिक शौचालय दिनाचे औचित्य साधून एकात्मिक महिला व बालविकास प्रकल्प शिरपूर दोन अंतर्गत बोराडी येथील अंगणवाडी पाच मध्ये स्वच्छतेचे विविध कार्यक्रमाचे आयोजन करण्यात आले होते. हया प्रसंगी परिसरातील बालक, माता व महिलांनी या कार्यक्रमात सहभाग घेतला होता.
शिरपूर पंचायत समिती व एकात्मिक महिला व बालविकास प्रकल्प शिरपूर दोन अंतर्गत बोराडी येथील अंगणवाडी क्रमांक पाच,सात,एक,चार, सहा, नऊ मिनी दहा यांच्या संयुक्त विद्यमाने स्वच्छ भारत मिशन ग्रामीण टप्पा दोन व जागतिक शौचालय दिनाचे औचित्य साधून अंगणवाडी व परिसरामध्ये स्वच्छता करणे, हात धुण्याचे प्रात्यक्षिक, अंगणवाडी मधील व सार्वजनिक शौचालय शौचालयांचा शाश्वत वापर,योग्य देखभाल व दुरुस्ती आणि अनुषंगाने विविध कार्यक्रमाच्या माध्यमातून अंगणवाडी सेविकांनी नागरिकांमध्ये जनजागृती पर कार्यक्रम घेवून त्याचे महत्त्व पर्यवेक्षिका कांता पवार,जयश्री देवर व सुनिता सगरे यांनी पटवून सांगितले.
हया प्रसंगी गावातील अंगणवाडी परिसरात स्वच्छता मोहीम राबवण्यात आली. व अंगणवाड्यांमध्ये स्वच्छतेचे महत्त्व,गावातील कुटंबस्तर शौचालय, परिसर स्वच्छता शोष खड्डा बांधकाम तसेच हात धुण्याचे प्रात्यक्षिक दाखवून शौचालय वापराचे योग्य महत्त्व पटवून सांगितले याप्रसंगी शिरपूर बालविकास प्रकल्प दोनचे अधिकारी सचिन शिंदे व बोराडी दोनच्या पर्यवेक्षिका कांता पवार यांनी कार्यक्रमाची पाहणी केली.
या कार्यक्रमासाठी अंगणवाडी सेविका जयश्री देवरे, सुनिता सगरे,प्रतिभा कोळी, सुधाबाई सोनार, लक्ष्मी भील,प्रतिभा पाटील, अर्पणा बडगुजर, व मदतनीस बेबी पावरा, कविता पावरा, शिंदे, वैशाली महाजन, आदींनी सहभाग नोंदवून कार्यक्रम यशस्वी केला.
या कार्यक्रमास अंगणवाडी परिसरातील व गावातील महिला, मुले-मुली व मातांना स्वच्छतेचे महत्त्व पटवून सांगितले व शौचालयाचा वापर करावा.लहान मुलांना उघड्यावर बसू नये. त्यांना शौचालयात बसण्याची सवय लावावी व तसेच गावातील विविध विविध रोगराई विषयी व १००% लसीकरण करावे याबाबत याबाबत सेविका जयश्री देवरे व सुनिता सगरे यांनी माहिती दिली.
