बालकलाकार आर्यन विलास पाटील याला राष्ट्रीय “बालकलावंत ” पुरस्कार जाहीर
भारतातील विविध राज्यातील विविध क्षेत्रात उल्लेखनीय कार्य करणाऱ्या व्यक्तीचा शोध घेत त्यांच्यातील कलागुणांना वाव मिळावा या उद्देशाने सामाजिक, शैक्षणिक, कला, कृषी, पत्रकारिता, आदी क्षेत्रातील व्यक्तींना कलावंत विचार मंच व कमल फिल्म प्रोडक्शन यांच्या संयुक्त विद्यमाने भारतीय चित्रपट सृष्टीचे जनक दादासाहेब फाळके, लोककवी वामन दादा कर्डक, लोकशाहीर आण्णा भाऊ साठे, शाहीर अमीर शेख, कवी वसंत बापट, कवियत्री बहिणाबाई चौधरी यांच्या जयंती व स्मृती दिना निमित्ताने देण्यात येणारा राष्ट्रीय बालकलावंत पुरस्कार बालकलाकार आर्यन विलास पाटील परशुराम (दुर्गवाडी) ता. चिपळूण याला जाहीर करण्यात आला असे संस्थेचे अध्यक्ष सुनिल मोंढे सर यांनी सांगितले.
चिपळूण तालुक्यातील परशुराम (दुर्गवाडी) येथील बालकलाकार आर्यन विलास पाटील हा एस पी एम स्कूल परशुराम या शाळेत ७ वीत शिकत आहे.
आतापर्यत या बालकलाकाराने सहा लघुपट, दोन अल्बम सोंग,दोन चित्रपट आणि एका मालिकेत काम केले आहे.
बालकलाकार आर्यन विलास पाटील याला आतापर्यंत गेल्या दोन वर्षात राष्टीय आणि आंतरराष्ट्रीय असे मिळून ९४ पुरस्कार जाहीर झाले आहेत. तसेच वेगवेगळ्या संस्थेमधून देण्यात येणारे ५ पुरस्क्रारही मिळाले आहेत.
औरंगाबाद येथे झालेल्या आंतरराष्ट्रीय लघुचित्रपट महोत्सवात जगातील १८देशातून आलेल्या ७५० चित्रपटांमधून बालकलाकार आर्यन पाटील याला सर्वोत्कृष्ट आतरराष्ट्रीय बालकलाकार पुरस्कार मिळाला.
तसेच बिहार पाटणा येथे झालेल्या आंतरराष्ट्रीय लघुचित्रपट महोत्सवात जगातील ३८ देशातून आलेल्या ११५०लघुपटातुन आर्यन विलास पाटील याची सर्वोत्कृष्ट आंतरराष्ट्रीय बालकलाकार म्हणून निवड करण्यात आली.
दिग्दर्शक गुरु, श्री शिवाजी मालवणकर, लेखक श्री नंदा आचरेकर आणि संपूर्ण टीमचे आर्यन च्या या अपूर्व यशात मोलाचे योगदान आहे.
या पुरस्काराबद्दल माजी आमदार श्री सदानंद चव्हाणसाहेब, खासदार श्री विनायकजी राऊत साहेब, उद्योजक श्री अजय मेहता, जिल्हा परिषद सदस्या सौ दिप्तीताई महाडिक, पंचायत समिती सदस्या सौ ऋतुजा पवार, निहारजी कोवळे, दुर्बिण ग्रुप-लोटे, दिग्दर्शक श्री शिवाजी मालवणकर, लेखक श्री नंदा आचरेकर, माजी पंचायत समिती सदस्य श्री अभयदादा सहस्त्रबुद्धे, परशुराम शाळेचे मुख्याध्यापक श्री केंजळे सर, सौ कुलकर्णी म्याडम व सर्व शिक्षकवर्ग, यांनी बालकलाकार आर्यनचे अभिनंदन करून पुढील वाटचालीस शुभेच्छा दिल्या.
