फवारणीचा खर्च
सध्या ढगाळ वातावरणामुळे रब्बीच्या हंगामातील उन्हाळ कांदा पिकासाठी व्यवस्थापन करणे शेतकऱ्यांना अवघड झाले आहे. दररोज दाट धुक्यामुळे कांदा पिक वाचविण्यासाठी मोठ्या प्रमाणावर महागडी औषधाची मात्रा द्यावी लागते आहे त-हाडी व परिसरात ढगाळ हवामान व धुके यामुळे कांदा वरती खूप रोग आणि किडी यांचा प्रादुर्भाव झालेला दिसून येत आहे
कांद्यावरील फुलकिडे या वातावरणात खूप मोठ्या प्रमाणात प्रादुर्भाव दिसून येत आहे
फुलकिडे सूक्ष्म पिवळसर काळसर रंगाचे कीटक असून ते कांद्याच्या पातीच्या बेचक्यात आढळतात त्यामुळे करपा रोगाचा प्रादुर्भाव जास्त दिसून येत आहे या यामुळे कांदा करपून जात असून कांद्याचे नुकसान जास्त होत आहे.
त्यासाठी फुलकिडी या किडीचे नियंत्रण वेळेत करणे गरजेचे आहे. रब्बीच्या हंगामातील उन्हाळ कांदा वाचवण्यासाठी शेतकऱ्यांना कृषी विभागाने प्रत्येक गावात मार्गदर्शन कार्यशाळा आयोजित करून शेतकऱ्यांना रब्बीच्या हंगामातील उन्हाळ कांदा वाचवण्यासाठी शेतकऱ्यांना मार्गदर्शन करून कांदा पिकावर मावा रोगांचा प्रादुर्भाव वाढल्याने शेतकरी वर्ग हवालदिल झाले आहेत. यावर्षी खरिपातील लाल कांदा शेतकऱ्यांना करपा रोगाचा प्रादुर्भाव मोठ्या प्रमाणात झाल्यानें केलेला खर्चात ताळमेळ बसणे अवघड झाले आहे.
सध्या दररोजच्या ढगाळ व दाट धुक्यामुळे वातावरण बदलामुळे कांदा पिक संकटात सापडले आहेत. रब्बीच्या हंगामात महागाई मध्ये भरमसाठ वाढ झाली असून रासायनिक खतांच्या किमती वाढल्या आहेत. त्यात मजुरीचे दर वाढले असल्याने दर चार ते पाच दिवसांत कांदा पिकावर फवारणी चा खर्चात वाढ झालेली आहे.
उपाय योजना:
हवामान बदलामुळे कांदा पिकावर रोग व किडींचे प्रादुर्भाव जास्त दिसून येत आहे त्यातच अनावश्यक औषध फवारणी करूनही मात्र किडींचे चे अस्तित्व धोक्यात आले आहे त्यामुळे मित्र किडी राहणे आवश्यक आहे. युरिया यानंतर खतांऐवजी अमोनियम सल्फेट याचा वापर करावा.
कांदा पिकामध्ये एकरी एकूण आठ पिवळ्या रंगाचे चिकट सापळे( स्टिकी ट्रॅप) चा वापर करावा
सूक्ष्म अन्नद्रव्यांचा वापर करावा
निंबोळी अर्क पंधराशे पीपीएम चा वापर करावा
फुलकिडीचा जास्त प्रादुर्भाव असल्यास प्रोफेनोफोस 10 ml प्रति दहा लिटर पाण्यात अधिक मॅन्कोझेब 25 ग्रॅम दहा लिटर पाण्यात मिसळून फवारणी करावी
फवारणी मध्ये स्टिकर्स अवश्य वापर करावा
महेंद्र पाटील
कृषी सहायक त-हाडी.
