त-हाडीसह परिसरात
तूर काढणीची लगबग !
लहरी वातावरणाचा फटका; उत्पादनात मोठी घट
त-हाडी प्रतिनिधी
शिरपूर तालुक्यातील त-हाडीसह परिसरात तूर काढणीला मोठा वेग आला असून, काही शेतकरी मळणी यंत्राच्या साह्याने तूर काढण्यास सुरुवात केली असून काहींची घरीच झोडण्याची लगबड सुरु आहे. एकंदरीत अनेक शेतकऱ्यांनी शेतातील तुरीची सोंगणी करुन तिचा ढिग लावल्याचे चित्र दिसून येत आहे. यंदा अतिवृष्टीमुळे , व लहरी वातावरणामुळे तुरीच्या उत्पादनात मोठी घट होण्याची शक्यता शेतकऱ्यांकडून व्यक्त करण्यात येत आहे.
त-हाडी परिसरात यंदा पावसाची बऱ्यापैकी मेहरनजर होती. सुरुवातीच्या पावसामुळे सारेच पीक जोमात होते. त्यानंतर अतिवृष्टी झाल्यामुळे शेतकऱ्यांच्या अनेक पिकांवर परिणाम झाला. सोयाबीन, कापूस, थोडाफार शेतकऱ्यांच्या हातात आला परंतु, इतर अनेक पिकांनी चांगलीच वाट लावली. त्यामुळे शेतकऱ्यांच्या आशेवर पाणी फेरले.
चांगल्या पाऊसमानाचा फायदा होईल असे वाटत असताना वातावरणातील बदल नुकसान करुन जात आहे
परिणाम पिकांवर दिसून आला असला तरी शेवटच्या टप्प्यात ढगाळ वातावरण आणि त्यामुळे तुरीच्या पिकांवर झालेला शेंगा पोखरणाऱ्या अळीचा प्रादुर्भाव यामुळे तूर उत्पादक शेतकरीही अडचणीत आला. कृषी विभागाने विविध प्रकारच्या फवारण्या
करण्याचे मार्गदर्शनही केले. मात्र, तोपर्यंत अळीचा हल्ला तीव्र होत गेला.
सध्या त-हाडी सह परिसरातील वरूळ , भटाणे , जवखेडा , विखरण
आदी ठिकाणी अतिवृष्टीमुळे थोडी हाती आलेल्या तूर काढणी वेग आला असून ढगाळ वातावरणामुळे शेतक ऱ्यांनी लगबग सुरू केली आहे. अनेकांच्या शेतात जागोजागी तुड बडवण्याचे काम सद्या सुरु आसल्याचे दिसत आहे
