सेवानिवृत्त जवान गवळे यांचा भटाणेत सत्कार
त-हाडी प्रतिनिधी
भटाणे ता.शिरपूर येथिल जावाई अर्थे ता.शिरपूर येथील सैन्य दलातून नुकतेच सेवानिवृत्त झालेले जवान राहुल बुधा गवळे यांचा भव्य सत्कार करण्यात आला.
श्री गवळे सन २००४ मध्ये भारतीय सैन्य दलात दाखल झाले त्यांनी आपल्या कार्यकाळात नऊ पोस्टवर काम केले असून सौथ आफ्रिकेच्या सुडान मिशन मध्ये देखील काम केलेलं आहे.त्यांच्या सातारा वर्षे सैन्य दलात काम केल्यानंतर 31 जानेवारी २०२२ रोजी कार्यकाळ पूर्ण झाल्याने सेवानिवृत्ती देण्यात आले.त्यंच्या सेवानिवृत्ती नंतर अर्थे येथे त्यांचे स्वागत करण्यात आले.आज त्यांच्या सासरवाडीला म्हणजेच भटाणे येथे सहवाद्य भारत मातेचा जयघोष करत गावातून मिरवणूक काढण्यात आली. डॉ.बाबासाहेब आंबेडकर चौकात बाबासाहेब आंबेडकरांच्या प्रतिमेचे पूजन त्यांच्या हस्ते करण्यात आले. जि.प.सदस्य भीमराव ईशी यांचे हस्ते जवान गवळे यांचे शाल श्रीफळ देऊन व केक कापून सहकुटुंब सत्कार करण्यात आला या प्रसंगी उपसरपंच मिलिंद ईशी,संजय पाटील वी.का.सोसायटी चेअरमन जगदीश पाटील,विश्वास पाटील ,किसन पाटोळे,सदस्या मंगला मोरे मयूर पाटील व ग्रामस्थ हजार होते.कार्यक्रमाचे सूत्रसंचालन राजपाल साळुंके यांनी केले.
फोटो भटाणे ता. शिरपुर येथे सेवा निवृत्त जवान राहुल गवळे यांच्या हस्ते केक कापुन सत्कार करतांना जि.प.सदस्य भिरराव ईशी सोबत उपसरपंच मिलिंद ईशी,संजय पाटील वी.का.सोसायटी चेअरमन जगदीश पाटील,विश्वास पाटील ,किसन पाटोळे व ग्रामस्थ
