किर्तनअस्त्राने गुरुवारी गंगाखेडात उपोषण कर्त्या शेतकऱ्यांना पाठिंबा
तुळशीदास महाराज देवकर यांचे होणार कीर्तन
गंगाखेड /प्रतिनिधी
पिक विमा, दुष्काळी अनुदान या मागण्यांसाठी डोंगरी जनआंदोलनाच्या वतीने आयोजित गंगाखेड तहसील कार्यालयासमोर उपोषण करणाऱ्या शेतकऱ्यांना पाठिंबा देण्यासाठी उद्या गुरुवारी दुपारी बारा ते दोन आंदोलनाच्या ठिकाणी ह.भ.प. तुळशीदास महाराज देवकर यांचे कीर्तन आयोजित करण्यात आले आहे.
परभणी लोकसभा मतदारसंघाचे 2024 चे उमेदवार सखाराम बोबडे पडेगावकर, ज्येष्ठ नेते विक्रम बाबा इमडे यांच्या मार्गदर्शनाखाली उपोषण करणाऱ्या शेतकऱ्यांना पाठिंबा देण्यासाठी एक दिवशीय कीर्तन आयोजित करण्यात आले आहे. 2018 या साली तालुका दुष्काळी तालुका म्हणून जाहीर करण्यात आला. त्याचे अनुदान अद्याप मिळालेले नाही .
त्याचबरोबर पिक विमा पासून भरपूर शेतकरी वंचित आहेत. या शेतकऱ्यांच्या विविध मागण्यासाठी डोंगरी जनआंदोलनाचे प्रणेते पंडितराव घरजाळे यांच्या नेतृत्वाखाली गंगाखेड तहसील कार्यालयासमोर उपोषण सुरू आहे. उद्या गुरुवारी उपोषणाचा दहावा दिवस आहे
.या शेतकऱ्यांचा आत्मविश्वास वाढावा आणि निर्णय घेणारे प्रशासनातील अधिकारी व राज्यकर्त्यांना या शेतकऱ्यांच्या हिताचे निर्णय घेण्याची सद्बुद्धी द्यावी. यासाठी या ठिकाणी कीर्तनाचे आयोजन करण्यात आले असल्याची माहिती या किर्तन सोहळ्याचे मुख्य संयोजक वाघलगावचे माजी सरपंच नारायण धनवटे, माजी सरपंच जयदेव मीशे, रामेश्वर भोसले पाटील यांनी दिली. हे किर्तन यशस्वी व्हावे म्हणून रामेश्वर भोळे , रोहीदास निरस,नारायणराव सरवदे, कृष्णा भोसले पाटील ,मुंजाभाऊ लांडे नारायण डोणे, सोपानराव टोले, बालासाहेब पारवे ,जयवंत कुंडगीर सय्यद मुदस्सीर, शेषराव आव्हाड लक्ष्मण कुंडगीर आधी जण पुढाकार घेत आहेत.
