टेकवाडे प्राथमिक शाळेत कला व क्रीडा शिबीराचे आयोजन
शिरपूर तालुक्यातील आर.सी.पटेल मराठी प्राथमिक शाळा टेकवाडे येथे दहा दिवसाचे कला व क्रीडा शिबीराचे आयोजन करण्यात आले असून सदर कार्यक्रमाच्या उदघाटन समारंभाच्या अध्यक्ष्यस्थानी टेकवाडे गावाचे माजी सरपंच श्री दिलीप धनगर विद्यमान उपसरपंच सौ.मंगलाताई दिलीप धनगर, माजी उपसरपंच श्री सदाशिव वाडीले वि.का.सोसायटी चेअरमन विजय चौधरी ,शालेय व्यवस्थापन समिती अध्यक्ष श्री मोतीलाल पटेल उपाध्यक्ष श्री कृष्णा वाडीले,श्री शांतीलाल भलकार ग्रामपंचायत सदस्य श्री दुर्गेश पटेल, सौ.उषाताई वाडीले, सौ.वनाताई मोरे, सामाजिक कार्यकर्ते श्री सुभाष महाराज,श्री चंद्रकांत पाटील,श्री अमोल धनगर,प्रकाश धनगर,प्राचार्य श्री किशोर जोशी,पर्यवेक्षक श्री के.बी.चौधरी,प्राध्यापक श्री एस.एम.पाटील उपस्थित होते त्यांच्या हस्ते प्रतिमा पुजन करण्यात आले.
शाळेचे मुख्याध्यापक श्री आर.बी.खोंडे यांनी आपल्या प्रास्तविकातून उन्हाळी कला व क्रीडा शिबीर घेण्यामागचा उद्देश व त्यातून विद्यार्थ्यांना होणारे फायदे उपस्थित पालक व मान्यवरांना समजावून सांगितले.दहा दिवसात होणाऱ्या प्रत्येक स्पर्धेतील प्रथम तीन क्रमांक मिळवलेल्या मुले व मुली यांना बक्षीस देवून सन्मानित करण्यात येईल असे नियोजन असल्याचे मुख्याध्यापकांनी उपस्थितांना सांगितले.त्यानंतर उपस्थित मान्यवरांचा सत्कार करण्यात आला.उपस्थित मान्यवरांच्या उपस्थितीत धावणे या स्पर्धेची सुरूवात करण्यात आली. सुत्रसंचलन श्री पी.व्ही.कोळी यांनी केले. कार्यक्रम यशस्वीतेसाठी शाळेतील उपशिक्षिका श्रीमती बी.बी.काटोळे,श्रीमती एस.जी.सोनार शिक्षकेतर कर्मचारी श्री बी.एल.पावरा,श्री ए.बी.ईशी यांनी परिश्रम घेतले.
