चटकदार लोणच्यासाठी आबांची विक्री वाढली
त-हाडी
शिरपूर आठवडी बाजारात आवक वाढताच दर झाले कमी
शिरपूर तालुक्यात चटकदार लोणच्यासाठी आवश्यक कैऱ्यांची आवक वाढली असून सोमवारी भरणाऱ्या आठवडी बाजारात विक्री वाढली. लोणच्यालाही महागाईच्या झळा पोहोचल्याने यंदा कैरीचे लोणचे आंबट झाले
आहे.उन्हाळ्यातील वाळवणाप्रमाणे जेवणात लोणचे हा महत्त्वाचा घटक असतो. त्यामुळे महिलांची सध्या वर्षभर पुरेल एवढे लोणचे बनविण्याची लगबग सुरू आहे. यावर्षी बदलत्या वातावरणामुळे मोहोर गळून पडल्याने आंब्याचे प्रमाण कमी आहे. कैऱ्यांचे बाजार दर मागील वर्षाच्या तुलनेत वाढले असून, आबांचा दर्जा पाहून शंभर ते अडीचशे रुपये शेकडा प्रमाणे शिरपूर व त-हाडी परिसरात दराने विक्री होत आहे. सुरुवातीला कैऱ्यांची चढ्या दराने विक्री झाली. आवक वाढताच दर कमी होत आहे.
दर्जानुसार मिळतोय भाव चांगला प्रतिच्या आबां सध्या तेजीत आहे. दर्जानुसार कैरीला प्रति किलो ४० ते ५० रुपये इतका भाव आहे. लोणच्याची कैरी फोडून देण्यासाठी विक्रेत्यांकडून वेगळे पैसे आकारले जातात. लोणच्यासाठी कैऱ्यांचे हवे तसे तुकडे १० ते २० रुपये प्रति किलो दराप्रमाणे करून देणाऱ्यांना देखील काम मिळाले आहे. दरम्यान, भाजी नसली तरी लोणचे तोंडी लावायला घेतले तरी जेवणाला चव येते. परंतु वाढत्या महागाईचा फटका लोणच्यालाही बसला आहे. मसाल्याचे दर वाढल्याने लोणचे अधिक आंबट झाले आहे.
