टेकवाडे प्राथमिक शाळेत शिक्षक पालक मेळावा संपन्न
त-हाडी
शिरपूर तालुक्यातील आर.सी.पटेल मराठी प्राथमिक शाळा टेकवाडे येथे शाळेच्या पहिल्या दिवशी इयत्ता बालवाडी ते ४ थी च्या विद्यार्थ्यांच्या पालकांचा शिक्षक पालक मेळावा घेण्यात आला. सदर कार्यक्रमाच्या अध्यक्ष्यस्थानी शाळेचे मुख्याध्यापक आर.बी.खोंडे होते. तर प्रमुख अतिथी म्हणून शालेय व्यवस्थापन समिती उपाध्यक्ष कृष्णा वाडीले,शालेय व्यवस्थापन माजी समिती सदस्य सुभाष महाराज शालेय व्यवस्थापन समिती सदस्य अतुल पाटील शालेय व्यवस्थापन समिती सदस्या रूपाली सोनार,उज्ज्वला पारधी उपस्थित होते त्यांच्या हस्ते प्रतिमा पुजन करण्यात आले.
शाळेचे मुख्याध्यापक आर.बी.खोंडे यांनी आपल्या प्रास्तविकातून शिक्षक पालक मेळावा घेण्यामागचा उद्देश व त्यातून विद्यार्थ्यांना होणारे फायदे उपस्थित पालक व मान्यवरांना समजावून सांगितले त्यानंतर उपस्थित मान्यवरांचा सत्कार करण्यात आला.शासन परिपत्रकानुसार सुवर्ण महोत्सवी शिष्यवृत्ती योजना,अस्वच्छ कामगार पाल्य शिष्यवृत्ती योजना,अल्पसंख्यांक शिष्यवृत्ती योजना या लाभाच्या योजनांची माहिती उपस्थित पालकांना देण्यात आली.त्यानंतर नियमित उपस्थि,दररोज गृहपाठ करणे,नियमितपणे पालकांनी शाळेला भेट देणे,सहशालेय उपक्रम नियोजनानुसार घेणे,विद्यार्थ्यांना शाळेत वेळेवर पाठवणे या विषयावर चर्चा करण्यात आली.लाभार्थी योजनांसाठी पात्र विद्यार्थ्यांच्या पालकांनी तात्काळ कागदपत्रे जमा करण्याच्या सूचना देण्यात आल्या.
कार्यक्रमाचे सुत्रसंचलन उपशिक्षक संजय पटेल यांनी केले.तर आभार उपशिक्षिका बी.बी.काटोळे यांनी मानले.कार्यक्रम यशस्वीतेसाठी बालवाडी शिक्षिका एस.जी.सोनार शिक्षकेतर कर्मचारी बी.एल.पावरा, ए.बी.ईशी यांनी परिश्रम घेतले.
