अमरीशभाई यांच्या वाढदिवसानिमित्त तालुकास्तरीय इंग्रजी वक्तृत्व स्पर्धा
शिरपूर शहरातील पटेल प्राथमिक शाळेत होणार स्पर्धा
त-हाडी
खान्देश विभागीय प्रतिनिधी
महेंद्र खोंडे
शिरपूर येथील आर.सी. पटेल मराठी प्राथमिक शाळेत तालुकास्तरीय इंग्रजी वकृत्व स्पर्धा घेण्यात येणार आहे.सदर वकृत्व स्पर्धा ही दरवर्षी संस्थेचे अध्यक्ष आ.अमरीशभाई पटेल यांच्या वाढदिवसानिमित्त घेण्यात येते.
दरवर्षी १४ सप्टेंबर रोजी आमदार अमरीशभाई पटेल यांच्या वाढदिवसानिमित्त पटेल प्राथमिक शाळेच्या वतीने तालुकास्तरीय इंग्रजी वकृत्व स्पर्धा घेण्यात येते.सदर स्पर्धेत तालुक्यातील जिल्हा परिषद प्राथमिक शाळा ,नगरपालिकेच्या शाळा,खाजगी प्राथमिक शाळा, आश्रमशाळा व इंग्रजी माध्यमाच्या शाळांमधील विद्यार्थी मोठ्या प्रमाणात सहभाग घेत असतात. यावर्षीही जवळपास ३०० विद्यार्थ्यांनी सहभाग नोंदवलेला आहे.
सदर स्पर्धा ही चार गटात घेण्यात येते.यात शहरी, ग्रामीण, आश्रमशाळा व ओपन गट अशा चार गटातून ही स्पर्धा होत असते.या स्पर्धेसाठी अगोदरच विषय दिलेले असतात. तसेच यात प्रत्येक गटात क्रमांक मिळवणाऱ्या विद्यार्थ्यांना बक्षीस देण्यात येते.सदर स्पर्धा ही विद्यार्थ्यांना इंग्रजी विषयाची आवड निर्माण व्हावी या हेतूने राबवण्यात येत असल्याची माहिती मुख्याध्यापक सी.डी. पाटील यांनी दिली.
सदर स्पर्धेचे उद्घाटन दिनांक १४ सप्टेंबर रोजी सकाळी ९ वाजता आर.सी. पटेल च्या प्रांगणातील राजगोपाल चंदुलाल भंडारी हॉल येथे होणार आहे. सदर उद्घाटन प्रसंगी शिरपूर एज्युकेशन सोसायटीचे उपाध्यक्ष राजगोपाल भंडारी, सचिव प्रभाकरराव चव्हाण,संस्थेचे सीईओ डॉ. उमेश शर्मा, कमलकिशोर भंडारी, माजी नगराध्यक्ष संगीता देवरे,गटशिक्षणाधिकारी एफ.के. गायकवाड, शिक्षण विस्तार अधिकारी आर.के.गायकवाड, बी.एस. बुवा, डी.पी.बुवा, ए. बी आव्हाड,डॉ.नीता सोनवणे, मनीषा वानखेडे, अनिल बाविस्कर आदी उपस्थित राहणार आहेत.
