टेकवाडे येथे महात्मा गांधी व लाल बहाद्दूर शास्त्री जयंतीनिमित्त शालेय परिसर स्वच्छता
त-हाडी
शिरपूर तालुक्यातील आर.सी.पटेल मरा ठी प्राथमिक शाळा टेकवाडे येथे महात्मा गांधी व लाल बहाद्दूर शास्त्री जयंतीनिमित्त शालेय परिसर स्वच्छता अभियान राबविण्यात आले.सर्वप्रथम महात्मा गांधी व लाल बहाद्दूर शास्त्री यांच्या प्रतिमेचे पुजन उपस्थित पालक व शाळेतील ज्येष्ठ उपशिक्षिका सुनंदा सोनार व बबिता काटोळे यांच्या हस्ते करण्यात आले.
त्यानंतर उपस्थित पालकांचा सत्कार करण्यात आला इयत्ता ३ री ते ४ थी च्या विद्यार्थ्यांसाठी स्वच्छता या विषयावर निंबध स्पर्धेचे आयोजन करण्यात आले.शाळेतील इंग्रजी शिक्षक अनिल माळी यांनी विद्यार्थ्यांना महात्मा गांधी व लाल बहाद्दूर शास्त्री यांचा जीवनपट समजावून सांगितला तसेच महात्मा गांधी यांनी स्वच्छतेला किती महत्त्व दिले हे काही उदाहरणे देवून समजावले.तसेच गावातील सर्व जनतेपर्यंत स्वच्छता संदेश पोहचवून त्याबाबत जनजागृती व्हावी यासाठी सर्वांनी प्रयत्न करावे असे आवाहन केले.
सदर कार्यक्रमाच्या अध्यक्षस्थानी शाळेचे मुख्याध्यापक आर.बी.खोंडे होते.त्यांनी आपल्या मनोगतातून महात्मा गांधी व लाल बहाद्दूर शास्त्री यांच्या निस्वार्थ सेवा याविषयी बोधकथेतून विद्यार्थ्यांना माहिती दिली व आपल्या जीवनात स्वच्छतेचे महत्त्व विविध उदाहरणे देवून समजावून सांगितले कार्यक्रमाचे सुत्रसंचलन उपशिक्षिका जयश्री पाटील यांनी केले.तर आभार उपशिक्षिका . बबिता काटोळे यांनी मानले.कार्यक्रम यशस्वीतेसाठी उपशिक्षक संजय पटेल,अनिल माळी सहशालेय उपक्रम समिती प्रमुख उपशिक्षिका जे.पी.पाटील, बबिता काटोळे बालवाडी शिक्षिका एस.जी.सोनार शिक्षकेतर कर्मचारी बी.एल.पावरा,ए.बी.ईशी यांनी परिश्रम घेतले.
