मंदाणे येथे नवनियुक्त महिला सरपंच यांच्या हस्ते शालेय विद्यार्थ्यांना फराळ वाटप कार्यक्रम संपन्न…
दोंडाईचा- मंदाणे ता. शिंदखेडा येथे आज जिल्हा परिषद प्राथमिक शाळेत नवनियुक्त सरपंच सौ. नूतन सुनील माळी यांनी विद्यार्थ्यांशी हितगुज केले व शाळेतील सर्व विद्यार्थ्यांना दिवाळी सणाच्या निमित्ताने फराळ (नास्ता) वाटप करण्यात आले. व्यासपीठावरुन बोलतांना समाजसेवक शशिकांत पाटील यांनी डिजिटल शाळेसाठी रू. 50,000 चि देणगी जाहीर केली व नवनियुक्त सरपंच सौ. नूतन सुनील माळी यांच्या हातून गावाचा वेगाने विकास व्हावा अशी भावना व्यक्त केली.
सदर कार्यक्रमासाठी उपसरपंच भालचंद्र चित्ते, माजी सरपंच विजय माळी, शिवसेना तालुकाध्यक्ष ईश्वर पाटील, माजी मुख्याध्यापक शशिकांत देसले, ग्रामपंचायत सदस्य सुनंदा राजेन्द्र भिल, प्रकाश पाटील, चेतन पाटील, नामदेव ठाकरे, विनोद बारसे, रमेश पाटील, भाईदास पाटील ,गुलाब पाटील, आनंदा पाटील, गणेश भदाणे व मोठया संख्येने गावकरी उपस्थित होते.
शाळेचे मुख्याध्यापक शिक्षक शासके सर यांनी सर्व गावकऱ्यांचे आभार मानले तसेच त्यांनी मुंबई येथील उद्योजक भरतभाई गिरासे यांचेही मनापासून आभार मानले…
