देवकर भगिनींचे एकाच वेळी नेत्रदीपक यश
पिलीव प्रतिनिधी :
पिलीव येथील देवकर परिवारातील विवाहित कन्या सौ मयुरी विनायक जाधव भाळवणी व सौ मेघाराणी प्रकाश जाधव (शिंगोर्णी)यांनी सायन्स मध्ये मास्टर पदवी संपादन केल्यानंतर सासरी प्रापंचिक जबाबदारी स्वीकारत जाधव परिवाराच्या संमतीने श्रीसाई जनविकास प्रतिष्ठान संचालित अध्यापक महाविद्यालय अळणी गडपाटी येथून ‘बीएड’ च्या पदव्या एकाच वेळी विशेष प्राविण्यासह प्राप्त करत यश संपादन केले आहे.
या कामी त्यांना प्राचार्य मोटे सर, शेख मॅडम, गव्हाणे मॅडम,मोरे मॅडम, पोळ सर, लोमटे सर,बनसोडे सर रयत शिक्षण संस्थेच्या कर्मवीर भाऊराव पाटील महाविद्यालय पंढरपूर ( कमवा व शिका ) , त्याचप्रमाणे कर्मवीर भाऊराव पाटील विद्यालय व रमेश खलीपे जुनियर कॉलेज पिलीव यांचे सहकार्य लाभले.
या यशाबरोबरच कुमारी मोहिणी रघुनाथ देवकर हिने देखील सावित्रीबाई फुले पुणे विद्यापीठातील श्री शिवाजी मराठा लॉ कॉलेज पुणे मधून कायदा पदवीच्या द्वितीय वर्षात विशेष प्राविण्यातून यश संपादन केले आहे.
तिलाही प्राचार्य डॉ विश्वनाथ पाटील, श्री राजेश मकवाना, सौ अंजली गवळी, सौ सिद्धकला भावसार त्याचप्रमाणे कर्मवीर भाऊराव पाटील महाविद्यालयाचे प्रभारी प्राचार्य डॉ चांगदेव कांबळे यांचे मोलाचे मार्गदर्शन लाभले. त्याचप्रमाणे या तिन्ही भगिनींना सेंट्रल बँक ऑफ इंडिया चे सिनियर मॅनेजर श्री व सौ दिपाली व विशाल वसंत देवकर , आई सौ शोभा देवकर , सौ छाया जाधव (ग्रा.पं सदस्या शिंगोर्णी ), श्रीमती कुसुम जाधव, सौ के डी सातपुते,साईराम कृषी केंद्राचे संचालक विकास देवकर यांचे मोलाचे सहकार्य लाभले.
या यशाबद्दल ह भ प हरिहरनंदन महाराज, प्रभुजी ढेकळे गुरुजी यांनी दूरध्वनी वरून अभिनंदन केले तर सद्गुरु श्री श्री साखर कारखान्याचे चेअरमन एन शेषागिरी राव, व्हाईस चेअरमन बाळासाहेब कर्णवर पाटील, संचालिका उषाताई मारकड, सोलापूर जिल्हा परिषदेचे माजी कृषी सभापती संग्राम सिंह जहागिरदार, जिल्हा परिषदेचे सदस्य श्री गणेश पाटील व श्री अरुण तोडकर, सरपंच नितीन मोहिते , उपसरपंच सोनाली करमाळकर व अनेक मान्यवरांनी कौतुक केले. या यशामुळे संपूर्ण देवकर परिवारात दिवाळी आनंदाने व उत्साहाने साजरी करण्यात आली.
