सामाजिक क्रांतीचे आणि समतेचे अग्रदूत म्हणजे क्रांतीसुर्य महात्मा फुले – प्रा. मनोज सहारे
आर्णी
स्थानिक दत्त प्रासादिक शिक्षण प्रसारक मंडळ आर्णी द्वारा संचालित श्री.म.द. भारती कन्या विद्यालयात स्त्री उद्धारक महात्मा ज्योतिबा फुले यांची १३२ वी पुण्यतिथी साजरी करण्यात आली.
या प्रसंगी संस्थेच्या संचालिका सौ आशाताई प्रियदर्शन भारती मॅडम, तसेच कार्यक्रमाचे अध्यक्ष प्राचार्य श्री रविशेखर कोटावार सर, ज्येष्ठ शिक्षिका सौ अनुलीना सोनेवार मॅडम, कनिष्ठ महाविद्यालयाचे प्रा. मनोज सहारे सर तथा सर्व शिक्षक, शिक्षिका बंधू – भगिनी आणि शिक्षकेतर कर्मचारी वृंद उपस्थित होते. मान्यवरांच्या हस्ते महात्मा फुलेंच्या प्रतीमेचे पूजन करण्यात आले.
वर्ग सातवी ब आणि क चे विद्यार्थिनींनी स्वागत गीताने कार्यक्रमाची सुरवात केली. यावेळी अनेक मुला मुलींनी आपले मनोगत व्यक्त केले. मंचावरून प्रा. मनोज सहारे सरांनी महात्मा फुलेंच्या जीवनावर प्रकाश टाकला. “सामाजिक समतेचे आणि स्त्रियांच्या उद्धारासाठी सदैव झटणारे, शैक्षणिक क्रांतीचे खरे अग्रदूत – क्रांतीसुर्य महात्मा फुले होते असे मनोगत व्यक्त केले.”
या कार्यक्रमाचे औचित्य साधून कन्या शाळेची माजी विद्यार्थिनी सौ. स्वाती आंबेकर यांनी आपल्या आईच्या स्मरणार्थ पाच हजार रुपये रोख गरीब,होतकरू विद्यार्थ्यांना शैक्षणिक कार्यात मदत म्हणून त्यांना काहीतरी करता यावे याकरिता सौ. आशाताई भारती मॅडम, यांच्यामार्फत प्राचार्य श्री रविशेखर कोटावार सरांना प्रदान केले. यांच्या दातृत्वाबद्दल प्राचार्यांनी समाधान व्यक्त केले. कार्यक्रमाचे आयोजन, सूत्रसंचालन आणि आभार प्रदर्शन वर्ग सातवीच्या विद्यार्थ्यांनी केले.
