सुळेवाडी येथील रास्तभाव धान्य दुकानाचा परवाना पुन्हा निलंबित ; गोरगरीब जनतेचा हक्काचा माणूस मा. श्री.विक्रमदादा सुळेंच्या पाठपुराव्याला यश
न्याय मिळाल्यामुळे सुळेवाडी येथील नागरिकांकडुन समाधान व्यक्त
विश्वजीत गोरड/पिलीव प्रतिनिधी-
माळशिरस तालुक्यातील सुळेवाडी येथील रेशन दुकानाचा परवाना पुन्हा एकदा निलंबित करण्यात आला आहे.जिल्हा पुरवठा अधिकारी सोलापूर यांच्या कडुन हि कारवाई करण्यात आली आहे.यापुर्वी एकदा नागरीकांच्या तक्रारीवरून परवाना कायम स्वरूपी रद्द करण्यात आला होता.यानंतर दुकान मालक यांनी तालुक्यातील वरीष्ठ अधिकार्यांना/मुंबई मंत्रालाय पुरवठा मंत्री यांना हाताशी धरून परवाना पुर्वता करुन रास्तभाव दुकान पुन्हा सुरू करण्यात आले होते असे स्थानिकांकडुन आरोप करण्यात आले होते.
यानंतर पण नागरीकांच्या तक्रारी थांबल्या नाहीत.येथील स्थानिक नागरिक विक्रम विठ्ठल सुळे यांनी मा.उप आयुक्त पुरवठा पुणे यांचेकडे लेखी तक्रारी अर्जाद्वारे धाव घेतली.यानंतर पुणे आयुक्त यांचेकडुन अर्जाच्या अंमलबजावणी साठी जिल्हा पुरवठा अधिकारी सोलापूर यांचेकडे तक्रारी अर्जाची सत्यता तपासून कारवाई करण्याचे आदेश दिले.
यानंतर जिल्हा पुरवठा अधिकारी सोलापूर यांचेकडुन सत्यता तापासणी साठी सुळेवाडी येथे टिम पाठविण्यात आली.तपासणी वेळी पुढील माहिती समोर आली.सदर दुकानांमध्ये लावलेले फलक कोरे दिसुन आले. कार्डधारकांची 23रेशन कार्ड दुकानांमध्ये सापडले,५ किलो खराब धान्य एका कोपऱ्यात दिसुन आले.दुकानात १२ रिकामी पोते आढळले व एकही किलो धान्य साठा शिल्लक आढळला नाही.काही कार्डधारकांचा माल त्यांना दिला गेलेला नाही., दिवाळी आनंदाचा सिधा मधील तेल दिले गेले नाही.
एकाही कार्डधारकाला धान्याची पावती दिली जात नाही, दुकानांमध्ये लाईटची सुविधा नसून ती अनलिगली आकडा टाकून आणलेली दिसून आले,धान्याची निगा राखण्यासाठी तळवट आंथरलेला दिसुन आला नाही. दुकानाच्या भितींना प्लास्टर नाही दुकानाच्या खिडक्यांना जाळी बसवलेली नसल्यामुळे खिडकीतून पक्षी तसेचे उंदिर प्रवेश करत आहेत.
तसेच दुकान मुळ ठिकाणापासून स्थलांतरित करताना जिल्हा पुरवठा कार्यालयाची परवानगी घेतलेली नाही व दुकानातील रजिस्टर हे अद्यावत केलेले नसुन रजिस्टर तपासणी दरम्यान सादर केले नाही.वेळेवर दुकान न उघडणे, कार्डधारकांशी बोलताना अरे तुरीची भाषा वापरणे, तसचे तपासणी वेळी स्थानिक नागरिकांचे जबाब नोंदवून वरील निकषावर दुकान परवाना रद्द करण्यात आला.
यासाठी विक्रमदादा सुळे (सामाजिक कार्यकर्ते)व सहकारी मा. श्री. नाथा आबा सोलंकर (माजी सरपंच ), बाजीराव सुळे ( अध्यक्ष शाळा व्यवस्थापन समिती ), श्री. शिवाजी महादेव सुळे ( अध्यक्ष श्री विठ्ठल दयाजी सामाजिक मंडळ एसटी स्टँड, काळामळा सुळेवाडी.), श्री. तात्यासाहेब मल्हारी बरकडे ( युवा नेते ), श्री.महादेव ईश्वर सुळे (राष्ट्रवादी नेते ), आबा महादेव माने (राष्ट्रवादी नेते ), व सर्व गोरगरीब जनता या सर्वांच्या मदतीने सहकार्यामुळे सुळेवाडी येथील नागरिकांना सत्याचा न्याय मिळाला..त्यामुळे जनतेतून समाधान व्यक्त केले जात आहे.
