आटपाडी तालुक्यात मटका जोमात…..ओपन खाऊ देईना,तर क्लोज झोपू देइना
मटक्यामुळे अनेकांचे संसार लागले देशोधडीला
आटपाडी प्रतिनिधी
आटपाडी तालुक्यांमध्ये अवैद्य पद्धतीने मटका जोमात सुरू आहे. या मटक्याच्या नादात अनेकांचे संसार उध्वस्त झाले आहेत अनेक जण कर्जबाजारी झाले आहेत. तरीसुद्धा मटक्याचा नाद सुटत नाही. तरुण घरामध्ये कोणताही काम धंदा करत नाहीत. परंतु मटक्यासाठी दिवस दिवस पेन आणि कागद घेऊन डोकं खाजवत तरुण बसलेले दिसतात.
मटका खेळणारे अनेक तरुण सहसा करून लोकांच्या मध्ये मिसळत नाहीत. लोकांच्या मध्ये सहभागी होत नाहीत. येऊन जाऊन ओपन काय आणि क्लोज काय हेच त्यांच्या डोक्यामध्ये असते .
मटका खेळणाऱ्याला अनेक वेळा पैसे येतात. परंतु आणखी पैसे येण्याच्या अपेक्षाने तो मटका खेळत राहतो आणि येणाऱ्या पैशापेक्षा जादा पैसे मटका खेळण्यावर घालवतो यामध्ये अनेक नागरिकांचे संसार उध्वस्त झाले आहेत.
मटका कुठे सुरू आहे. मटका कोण घेतो. हे नागरिकांना आणि पोलिसांनाही माहीत असते परंतु कोणताही नागरिक तक्रार करीत नाही आणि तक्रार न केल्यामुळे पोलीसही त्याकडे लक्ष देत नाहीत.
मागील काही दिवसांमध्ये आटपाडीचे पोलीस निरीक्षक शरद मेमाणे यांनी चार्ज घेतल्यानंतर काही महिने मटका बंद होता .परंतु कालांतराने पुन्हा पूर्वीसारखाच जोमाने मटका सुरू झाला आहे.
मटका खेळण्यांमध्ये वयोवृद्ध, तरुण गुंतलेले आहेत. अनेक वेळा मटका हरतातच क्वचितच मटक्यामध्ये चार पैसे येतात परंतु तेही असेच कुठेतरी जातात.
मटका खेळण्यामुळे अनेकांचे संसार उध्वस्त झाले आहेत, असे असताना सुद्धा पोलीस याकडे जाणून-बुजून दुर्लक्ष करीत आहेत की काय ,? असा प्रश्न निर्माण होत आहे. तरी l तालुक्यातील मटका बंद करून अनेकांचे उध्वस्त होणारे संसार पोलिसांनी वाचवावेत अशी मागणी नागरिकांमधून आहे.
