आटपाडी तालुक्यातील 7 लाख 6 हजार रुपयाचे शौचालयाचे काम ठप्प …..अधिकारी, पदाधिकारी व ठेकेदार यांचा ताळमेळ लागेना …..

अधिकारी, पदाधिकारी व ठेकेदार यांच्यात संवाद नसल्याने शौचालयाचे काम ठप्प

पूर्वी केलेल्या कामावर पाणी मारत नसल्याने पूर्णपणे सिमेंट, विटा सुकून गेले आहेत. शौचालय काम अर्धवट राहिलेले आहे. परंतु अधिकारी ठेकेदार व पदाधिकारी यांच्यात ताळमेळ नसल्याने शौचालयाचे काम थांबले आहे.
मॉडेल स्कूलच्या नावाखाली शासन करोडो रुपये खर्च करत आहे. आणि जिथे मॉडेल स्कूल ला परवानगी आली आहे .तेथेही चांगल्या उत्कृष्ट दर्जाचे शौचालय बांधण्याचे शासनाचे उद्दिष्ट आहे. त्यासाठी भरमसाठ पैसे शासन देत आहे.परंतु बऱ्याच ठिकाणी काहीतरी गडबड गोंधळ झाल्याने कामे ठप्प राहिली आहेत.

असेच एका गावामध्ये शाळेची इमारत सुंदर झाली आहे. चांगल्या पद्धतीचे बांधकाम झाले आहे. परंतु या शाळेच्या आवारामध्ये शौचालय हवे होते. त्या शौचालयासाठी 7 लाख 6 हजार रुपयांचा निधी उपलब्ध झाला असून शौचालयाचे फाउंडेशन झाले ,विड बांधकाम झाले,परंतु ठेकेदार पदाधिकारी व अधिकारी यांचा समन्वय होईना, संवाद व्यवस्थित होईनात. म्हणून या शौचालयाचे काम अर्धवट बंद पडले आहे. तरी संबंधित वरिष्ठ अधिकाऱ्यांनी यामध्ये लक्ष देऊन शौचालयाचे काम पूर्ण करावे अशी ग्रामस्थातून मागणी होत आहे.