वेध फौंडेशनने संक्रात साजरी केली ऊसतोड महिला कामगारांसोबत.
वेध फौंडेशनने सामाजिक भान ठेऊन अत्यंत स्तुत्य उपक्रम राबवत आपली संक्रात ऊसतोड महिला कामगार महिलांसोबत साजरी केली. वेध फौंडेशनच्या अध्यक्षा स्वातीताई मोराळे या गेली सहा वर्षे आपली संक्रात ऊसतोड महिला कामगारांसोबत साजरी करतात. महिलांच्या जिव्हाळ्याचा सण संक्रात परंतु या ऊसतोड महिला कामगार पोटासाठी ऊसतोड करण्यासाठी आपले गाव सोडून शेकडो किलोमीटर दुर येत असतात.
ऊसतोडी सारखे अत्यंत कष्टमय काम या महिला करत असतात.या महिला बीड नगर उस्मानाबाद येथून मोठया प्रमाणात येत असतात. या कामगारांचे प्रश्न सोडवण्यासाठी ऊसतोड कामगारांचे नेते स्व. गोपीनाथरावजी मुंढेसाहेब करत असत.मुंढेसाहेबांना आदर्श मानणाऱ्या स्वातीताई ऊसतोड कामगारांच्या प्रश्नाकडे लक्ष दिले.
याचाच अभ्यास करत असताना पीएचडी साठी ऊसतोड महिलांचे आरोग्य व प्रजनन हा महत्वपूर्ण विषय निवडला या वर्षाअखेर या विषयावर त्या डॉक्टरेट पूर्ण करत आहेत. कारखान्यावरील कोपीवर टॉयलेट बथरूम उपलब्ध करुन देण्यासाठी त्या लढा देत आहेत.प्रत्येक वर्षी त्यांची मोफत आरोग्य तपासणी करत असतात. या लोकांमध्ये त्वचेच्या रोगांचे प्रमाण अधिक आहे.कामामध्ये व्यत्यय येऊ नये म्हणून महिलांचे गर्भाशय काढणे यासारखे भयंकार प्रकार त्यांच्या निदर्शनास आले.
या महिलांना संक्रातीनिम्मित हळदीकुंकू कार्यक्रम घेत असतात. यावेळी प्रथेप्रमाणे वाण लुटत असतात यामध्ये साड्या, सनकोट, स्टोल, ब्लॅंकेट वाटप करत असतात. या निमित्ताने महिलांना बोलते करणे, त्यांच्याशी जवळीक वाढवने, त्यांना बोलते करणे, त्यांच्या समस्या जाणून घेणे व त्या सोडवणे यासाठी त्या प्रयत्न करत असतात.
यासाठी त्यांना वेध फौंडेशन परिवाराच्या सुवर्णा जाधवर,जयश्री मुंढे, प्रिती सोनवणे व अनेक दानशूर व्यक्ती त्यांना मदत करत असतात.
