आज उंटावद येथे सती माता यात्रा उत्सव

शिरपूर तालुक्यातील उंटावद येथे श्री सती माता यात्रा उत्सव दिनांक 21 जानेवारी 2023 शनिवार रोजी यात्रा उत्सवाचे आयोजन करण्यात आले आहे. यात्रोत्सवा त सकाळी सात वाजता महापूजेचे मानकरी श्री विजय मोहन महाले सामाजिक कार्यकर्ते यांच्या हस्ते सती देवीची महापूजा होत आहे. तसेच यात्रेनिमित्त 20 जानेवारी शुक्रवार रोजी ह भ प पांडुरंग महाराज यांच्या जाहीर कीर्तनाच्या कार्यक्रम पार पडला .
आज दुपारी चार वाजता तगतरावाची महापूजा श्री हेमंत सुरेश सूर्यवंशी यांच्या हस्ते होईल. ढोल ताशांच्या गजरात यावेळी मिरवणूक काढण्यात येईल .
श्री सती माता नवसाला पावणारी देवी असून भाविकांची श्रद्धास्थान आहे यात्रेसाठी पंचक्रोशीतील भाविक मोठ्या उत्साहाने नवस फेडण्यासाठी येत असतात .श्री सती माता यात्रेनिमित्त मंदिरावर आकर्षक विद्युत रोषणाई करण्यात आली आहे .मंदिर परिसरात पूजेचे साहित्य, नारळ, फुलहार तसेच खाद्यपदार्थ हॉटेल्स आदी आपली दुकान थाटली आहेत . मुलांसाठी लहान पाळणे खेळणी व महिलांसाठी शृंगार उपयोगी दुकाने दाखल झाले आहेत
यात्रेसाठी गावाचे सरपंच श्री शरद कुवर उपसरपंच श्री राज कपूर मराठे पोलीस पाटील राजेश सातकर तंटामुक्त अध्यक्ष गुलाब चौधरी व ग्रामस्थ यात्रेसाठी परिश्रम घेत आहेत.