आटपाडीतील निवडणूक विभागातून माहिती देण्यास अधिकाऱ्यांची टाळाटाळ
आटपाडी प्रतिनिधी
आटपाडी तहसील कार्यालयातील निवडणूक विभागाकडे माहिती मागण्यास गेले असता माहिती देण्यास जाणीवपूर्वक टाळाटाळ करीत असल्याची बाब निदर्शनाला आली आहे.
2017 मध्ये जिल्हा परिषद व पंचायत समितीच्या निवडणुका पार पडल्या या निवडणुकीमध्ये निवडणूक रिंगणामध्ये उभे असणारे उमेदवार व त्यांना पडलेले मतदान याची माहिती मिळण्यासाठी सतत तीन ते चार महिने हेलपाटे मारून सुद्धा माहिती उपलब्ध होऊ शकत नाही.
येथील अधिकाऱ्यांना विचारले असता आमच्याकडे डाटा सापडेना. आम्ही जिल्ह्यातून डाटा मागवून घेतो. अशी उडवाउडवीची उत्तरे दिली जातात.
याबाबत तहसीलदार बी.एस. माने व नायब तहसीलदार योगेश शिंदे यांनाही अनेक वेळा माहिती मिळत नसल्याबाबत सांगितले होते .परंतु अद्याप माहिती मिळाली नाही.
अधिकाऱ्याकडून जर पत्रकारांना अशी वागणूक मिळत असेल तर सर्वसामान्य जनतेची कामे कशी काय होणार हा गंभीर प्रश्न आहे
