फटाक्यांची आतिषबाजी करत वंचित बहुजन आघाडी व शिवसेनेच्या युतीचे इनामधामणीत जोरदार स्वागत…
सांगली
दि. २४ जानेवारी २०२३
हुकूमशाहीकडे होणारी वाटचाल रोखण्यासाठी आणि वैचारिक प्रदुषण संपवण्यासाठी शिवसेना (उद्धव बाळासाहेब ठाकरे)आणि वंचित बहुजन आघाडीच्या युतीची घोषणा आज शिवसेना प्रमुख हिंदुहृदयसम्राट स्व.बाळासाहेब ठाकरे यांच्या जयंतीचे औचित्य साधून झाल्याने मिरज तालुक्यातील इनाम धामणी मधील कार्यकर्त्यांमध्ये उत्साहाचे वातावरण पसरले आहे.
शिवसेना- वंचित बहुजन आघाडी युतीची घोषणा होताच -शिवसेना युवासेनेचे तालुका प्रमुख भरत कुमार पाटील व वंचित बहुजन युवक आघाडी सांगली जिल्हा संघटक मानतेश कांबळे यांनी युतीचे स्वागत केले. यावेळी मिरज ता संघटक प्रमोद मल्लाडे, अनिल अंकलखोपे, वसंत भोसले, संकेत कोलप, राजू वडेर, ऋषिकेश कांबळे, राहुल कोलप, सतीश कट्टीमनी इतर शिवसेना व वंचित बहुजन आघाडीचे कार्यकर्ते उपस्थित होते.
