नाभिक समाज-राज्यस्तरीय वधु-वर मेळाव्याचे शिंदखेडा येथे फॉर्म वाटप करण्याचा शुभारंभ.
त-हाडी प्रतिनिधी – नाभिक समाजाचा राज्यस्तरीय वधु वर परिचय मेळावा धुळे येथे होणे अपेक्षित आहे, त्या अनुषंगाने नाभिक समाजातील इच्छुक वधू-वरांचे फॉर्म भरून घेण्याचे कामाचा शिंदखेडा येथील नाभिक समाज बांधवांनी शिंदखेडा शहरापासून शुभारंभ केला.
नाभिक समाज राज्यस्तरीय वधु वर परिचय मेळावा घेण्याचा उद्देश समाजातील सलून व्यावसायिक बांधवांना लग्नासाठी उपवर मुली मिळण्यास अडचणी येतात, तसेच आपल्या समाजातील इतर किरकोळ व्यवसाय करणारे असतील अशा नाभिक समाज बांधवांसाठी हा वधु वर परिचय मेळावा घेण्यात येणार आहे. वधु वर परिचय मेळावा हा दिनांक १०/४/२०२३ रोजी होणार असून १५/३/२०२३ पर्यंत वधुवर परिचय मेळाव्याचे फार्म स्वीकारले जातील याची नोंद समाज बांधवांनी घ्यावी असे आवाहन सकल नाभिक समाजाच्या वतीने करण्यात आलेले आहे.
शिंदखेडा येथे ज्येष्ठ सामाजिक कार्यकर्ते लोटन दौलत चित्ते यांचे चि. सागर चित्ते यांचा वधु-वर परिचय मेळाव्याचा फाॅर्म भरून शुभारंभ केला, यावेळी महाराष्ट्र नाभिक समाज महामंडळाचे राज्य संपर्क प्रमुख किशोर दादा सुर्यवंशी (जळगांव) शिंदखेडा शहर नाभिक हितवर्धक बहुउद्देशीय संस्थेचे अध्यक्ष विजय सैंदाणे सर, उपाध्यक्ष राजेंद्र खोंडे व अ.भा. जिवासेनेचे धुळे जिल्हा उपाध्यक्ष हेमंतभाऊ चित्ते सह इतर नाभिक समाज बांधव उपस्थित होते.
