बीड पाटोदा च्या नफरवाडी जिल्हा परिषद शाळा च्या मुलांना प्रदीप लोखंडे पुणे यांच्या संस्थे मार्फत पुस्तके मोफत
बीड ; पाटोदा
ज्ञान की ची पुस्तके प्रदीप लोखंडे यांच्याकडून जि.प.प्रा.शा.नफरवाडी शाळेस 6200 रु ची पुस्तके भेट….
21व्या शतकात तंत्रज्ञानाच्या साह्याने मानवाने पूर्ण विश्वच कवेत घेतले असले, तरी शरीराला सुदृढ बनवण्यासाठी व्यायाम व मनाला सुदृढ बनवण्यासाठी वाचन याचे महत्त्व नाकारता येणार नाही. त्यातच ग्रामीण भागातील मुलांना वाचनाची पुस्तके मिळणे म्हणजे दुर्मिळच पण याच वाचन संस्कृतीला जोपासण्यासाठी अनेक व्यक्ती आपले आयुष्य समर्पित करतात त्यातीलच एक महान व्यक्तिमत्व म्हणजे आदरणीय प्रदीप लोखंडे…
प्रदिप लोखंडे सरांनी ग्रामीण भागात ग्रंथालय उभारून जणू काही या तळागाळातील चिमुकल्या विद्यार्थ्यांच्या पंखात बळ निर्माण करण्यासाठी नवी संधीच निर्माण केलीय आणि ती संधी आमच्या नफरवाडीतील मुलांना मिळाली याचा आम्हाला आनंद आणि अभिमान वाटतो…!!! ही संधी आम्हांला नफरवाडी चे भूमिपुत्र आदरणीय संजय सावंत सरांच्या सेवानिवृत्ती नागरी सत्कारच्या निमित्ताने मिळाली .
ज्ञान की च्या माध्यमातून शाळेस प्राप्त झालेल्या पुस्तकांच्या अनमोल खजिन्यामुळे आमच्या शाळेचे ग्रंथालय नक्कीच समृद्ध झाले आहे . ज्ञान की च्या वाचा लिहा घोषवाक्याप्रमाणे याचा फायदा आमच्या शाळेतील चिमुकल्यांना नक्कीच होईल ….!
ग्रामीण भागात ग्रंथालयाचे जाळे निर्माण करणारे आदरणीय प्रदिप लोखंडे सरांचे शाळेच्या वतीने मनःपुर्वक धन्यवाद
