अजनाळेच्या डाळिंब व्यापारीची दुबईच्या डाळिंब व्यापाऱ्याकडून 46 लाखाची फसवणूक
आटपाडी पोलीस ठाण्यामध्ये गुन्हा दाखल
आटपाडी प्रतिनिधी
अजनाळे ता. सांगोला येथील विष्णू शंकर देशमुख या व्यापाऱ्याची दुबई येथील व्यापारी सिद्धार्थ चोमल यांनी 46 लाख 59 हजार 897 रुपयाची फसवणूक केली असल्याची तक्रार आटपाडी पोलीस स्टेशनमध्ये दाखल करण्यात आली आहे.
विष्णू देशमुख हे एक्सपोर्ट डाळिंब व्यापारी आहेत. विना फ्रुट सप्लायर्स नावाच्या कंपनीमार्फत ते देशात आणि विदेशामध्ये डाळिंब निर्यातीचे काम करतात .इंटरनेटच्या माध्यमातून त्यांची दुबई येथील कंपनी फलोरीटेक इंटरनॅशनल ही कंपनी डाळिंब खरेदी करते .
अशी माहिती मिळाली होती. दुबई येथे जाऊन पत्ता एलएलसी शॉप नंबर तीन बिल्डिंग नंबर सात सेंट्रल व्हेजिटेबल अँड फ्रुट मार्केट अल अविर दुबई 44 33 2 या पत्त्यावर भेट दिली असता कंपनीचे मालक सिद्धार्थ कमल चोमल भेटले त्यांनी सांगितले की ते त्यांच्या परिवारासोबत मुंबई येथे वास्तव्यास असतात .
त्यांच्यासोबत बोलणं झाल्यानंतर व्यवहाराबाबतचं करारा पत्र ईमेल द्वारे पाठवलं या करार पत्रानुसार तक्रारदार देशमुखांनी आटपाडी तालुक्यातील शेतकऱ्यांचा भगवा डाळिंबाचा माल खरेदी करून या कंपनीला पाठवला मात्र या कंपनीने एकूण 1कोटी 21 लाख 99 हजार 397 पैकी 75 लाख 39 हजार पाचशे रुपये दिले. उर्वरित 46 लाख 59 हजार 897 रुपये आजतागायत दिलेले नाहीत. हा व्यवहार 8 फेब्रुवारी 2014 ते 28 एप्रिल 2014 दरम्यानचा आहे. वरील सर्व घटनेची तक्रार आटपाडी पोलीस स्टेशन मध्ये नोंद झाली आहे.
