राष्ट्रीय नाभिक एकता महासंघ व महाराष्ट्र नाभिक आरक्षण समिती ‘ एक साथ ………..’समाज हितासाठी नाभिक संघटना एका विचाराने सोबत

समाज एकता अभियान हे समाजातील सर्व घटकांना एकत्र करून सामाजिक समस्या एकीकरणाने सोडविण्यासाठी कोणत्याही राजकीय सामाजिक नेत्यांच्या दबावाखाली न येता आपण आपला स्वाभिमान कायम ठेवण्यासाठी निर्माण झाला आहे. सामाजिक ऐक्या शिवाय कोणतेही ऐक्य, न्याय वा सामाजिक विकास शक्य नाही. संविधानाने दिलेले हक्क अधिकारही आज समाजाला मिळताना दिसत नाही.

समाजात जाऊन वैयक्तिक, राजकीय मतभेद बाजूला सारून सामाजिक उत्थानासाठी एक झालो तर एकीकरणाचे फळ सर्वांना चाखता येतील. कोणत्याही राजकीय सामाजिक नेत्यांना डोक्यावर न घेता अथवा कोणत्याही राजकीय नेत्यांना विरोध न करता व कोणत्याही पक्षाची, नेत्याची वैयक्तिक जाहिरात न करता समाजामध्ये प्रबोधन करून समाज ऐक्यासाठी समाज एकता अभियाना मध्ये सहभागी होऊन सामाजिक कार्यास इतर सामजिक नाभिक संघटना प्रमुखानी कोणत्याही नेत्याचे गुणगान न गाता कोणत्याही आर्थिक मिळकतीची अपेक्षा न करता, कोणत्याही पदाची अपेक्षा न करता केवळ निस्वार्थ भावनेतून समाज एक करण्यासाठी इच्छुकांनी सहभागी व्हायचे आवाहान भगवान बिडवे , शिवदास फुलवळकर , दादासाहेब काळे किशोर गाडेकर, महेंद्र खोंडे, सोनल खोंडे, नवनाथ गायकवाड, गणेश मोरे यांनी केले आहे.