गाव कारभारी ! करी उभ्याने तालुका व जिल्हा वारी
सरपंच उपसरपंच यांना बस मध्ये दोन आसन आरक्षित करा
त-हाडी (प्रतिनिधी) -राज्य परिवहन महामंडळाच्या स्थानिक बस मध्ये खासदारा आमदाराना आसन आरक्षित असतात.मात्र ग्रामीण भागातील गावांमध्ये सरपंचाची भूमिका अत्यंत महत्त्वाची असते.
स्थानिक लोकशाहीत सरपंच हे पद अत्यंत प्रतिष्ठिचे आहे.ग्रामपंचायतींना विकासाच्या वाटेवर नेण्याची जबाबदारी सरपंचाची सोबतच उपसरपंच पण असते.त्यांना मात्र बस मध्ये आसन आरक्षित नसते सरपंच व उपसरपंच यांना दोन आसन आरक्षित करण्याची खरी गरज निर्माण होत आहे.
ग्रामीण भागातील गावापासून तालुका जिल्हा मुख्यालय चे अंतर जवळपास २५ ते १०० किलो मिटर अंतर असते .ग्रामीण भागातील सरपंच याना दैनंदिन तालुक्यातील शासकीय कामासाठी नेहमी प्रवास हा सरकारी मालमत्तेच्या बसने करत असतात.
बसने प्रवास करत असताना बसमध्ये चढणाऱ्या प्रवासी जागा शिल्लक असल्या तरीही आपली सीट आरक्षित करण्यासाठी पहिलेच वस्तू टाकून मोकळ्या होतात त्यामुळे गावखेड्याची सतत सेवा करणाऱ्या पदाधिकारी यांना उभ्याने प्रवास करावा लागतो त्यांना मुकाट्याने उभे राहूनच प्रवास करावा लागतो.
तेव्हा सरपंच व उपसरपंच यांना राज्य सरकारने एस टी प्रवास सुविधा 50% सवलतीत द्यावी देऊन दोन आसन आरक्षित करण्याची मागणीला जोर धरत आहे.
सरपंच उपसरपंच यांना राज्य सरकारने एस टी प्रवास सुविधा 50% सवलतीत द्यावी व एस टी प्रवास न करणारे आमदार खासदार यांना आसन आरक्षित असते पण गावखेड्याची सतत सेवा करणारे सरपंच उपसरपंच मात्र उभ्याने प्रवास करतात त्यांना ही एस टी मध्ये 2 आसन आरक्षित करावे.
शिरपूर तालुक्यातील त-हाडी येथे लोकनियुक्त सरपंच जयश्री धनगर यांची मागणी
