मुत्सद्दी मार्गदर्शक हरपला- डी. एस. सावंत
सोलापूर, दि. १६ – बबनराव कांबळे साहेबांच्या निधनाने मुत्सद्दी मार्गदर्शक हरपल्याची भावना डी. एस. सावंत यांनी व्यक्त केली. प्रबोधन मंच सोलापूरच्या वतीने फडकुले सभागृह येथे रमाई,भिमाई जयंती महोत्सव साजरा करण्यात आला. त्यामध्ये दैनिक वृत्तरत्न सम्राटचे संपादक कालकथित बबनरावजी कांबळे साहेब यांना आदरांजली अर्पित करण्यात आली त्यामध्ये डिशनल कलेक्टर सोलापूर तुषार ठोंबरे, डी. एस. सावंत चीफ मॅनेजर, रेल्वे बँक.
निवेदिका ज्योती वाघमारे असे अनेक मान्यवर उपस्थित होते. डी. एस. सावंत म्हणाले की, बबन कांबळे साहेबांच्या निधनाने चळवळीचे अपरिमित नुकसान झाले आहे. चळवळीचा मार्गदर्शक हरपला सांगव आहे. बाबासाहेबांच्या महापरिनिर्वाणानंतर रिपब्लिकन
पक्षाने झंजावात निर्माण केला होता.
त्याला मरगळ आल्यानंतर दलित पँथरने झंजावात निर्माण केला , आणि त्यानंतर दैनिक सम्राटने जो झंजावात निर्माण केला होता तो ऐतिहासिक होता. त्यांनी आंबेडकरी , चळवळीला गती देण्याचे काम केले होते. त्या पाठीमागे बबन कांबळेरुपी हिमालय उभा होता. त्यांच्या जाण्याने चळवळीचा मार्गदर्शक हरपल्याची भावना सर्वांमध्ये आहे. त्याप्रसंगी दोन मिनिट स्तब्ध उभे राहून कांबळे साहेबांना भावपूर्ण आदरांजली देण्यात आली.
