भटाणे येथे बिबट्याकडून गाय फस्त
बिबट्या बरोबर आढळले
बछड्याच्या पायाचे पसे
त-हाडी
भटाणे ता.शिरपुर शिवारातील अभाणपुर रस्त्यावर असलेल्या सुभाष रामदास पाटील यांच्या शेतात बांधलेल्या जनावरांपैकी आठ वर्षे वयाच्या गाईला बिबट्याने फस्त केले असुन परीसरात प्रथमच हींस्र प्राणी आढळुन आल्याने भितीचे वातावरण निर्माण झाले आहे.
येथील सुभाष पाटील यांच्या शेतात बैल,म्हशी,गाई वासरु बांधलेले असतात आज रात्री हींस्र प्राण्याने हल्ला करुन गाय फस्त केल्याचे सकाळी लक्षात आले.सदर माहीतीमुखेड वनरक्षिका वैशाली कुवर यांना कळविण्यात आली त्यांनी जवळपास पायाच्या मागाची पहाणी केली असता बिबट्याचे माग असल्याचे सांगितले तसेच बिबट्याच्या मागा सोबत लहान माग आढळुन आल्याने बिबट्या मादी असल्याचा निष्कर्ष काढला.
परीसरात भितीचे वातावरण
परीसरात मका,ऊस,केळी,भुईमुग,गहु,हरभरा पिकांची लागवड करण्यात आली आहे.सदर पिके परीपक्वतेच्या मार्गावर आहेत तसेच वातावरातील थंडता कमी होऊन उष्णता वाढल्याने पिकांना पाणी देण्याचें काम सुरु आहे.परीसरात विजेची रात्रपाळी असल्याने बिबट्या आढळताच भितीचे वातावरण निर्माण झाले आहे. मका,ऊस,केळी ही पिके उच असल्याने बिबट्याला लपण्यास मोठा वाव असला तरी शेतकर्यांनी शेतात गेल्यावर फटाके फोडावेत तसेच शेकोटी मशालचा वापर करुन सतर्कता बाळगावी असे वनरक्षिका कुवर यांनी आवाहान केले.घटनास्थळी डाक्टर भामरे यांनी भेट देऊन गायचा पंचनामा केला असुन पुढील तपास वनक्षेत्रपाल आनंदराम मेश्राम वनपाल के आर सुर्यवंशी यांचेसह मुखेड वनरक्षक वैशाली कुवर करीत आहे.
फोटो-भटाणे ता.शिरपुर येथे बिबट्याच्या हल्यात झालेल्या नुकसाणीचा पंचनामा करतांना वनरक्षक वैशाली कुवर,शेतकरी सुभाष शिरसाठ आदी
