सिन्नर येथे गोविंद माळी यांनी प्रथम मुलीचा आणि तुकाराम महाराज बीजदिनी मुलाचा सत्यशोधक विवाह लावला हा आदर्श समाजाने निश्चित घ्यावा,.सत्यशोधक रघुनाथ ढोक
फुले एज्युकेशन तर्फे मोफत 38 वा.सत्यशोधक विवाह संपन्न.
सिन्नर – फुले शाहू आंबेडकर एज्युकेशनल अँड सोशल फौंडेशंनच्या वतीने 38 वा. सत्यशोधक विवाह सत्यशोधक सचिन गोविंद माळी(कानडे), मुसळगाव आणि सत्यशोधिका अक्षदा बाबुलाल माळी (जाधव), कुंदेवाडी यांचा सत्यशोधक स्थापना दीन शतकोत्तर सुवर्ण महोत्सवी वर्ष व ज्ञानज्योती सावत्रीबाई फुले शताब्दी रौप्य महोत्सवी स्मृतिदिना निमित्त तुकाराम महाराज बीज दिनी (9 मार्च 2023) दुपारी 12.30 वाजता उगले लॉनस ,सिन्नर येथे समाजाला एक आदर्श दिशा देत हा सत्यशोधक विवाह सोहळा संपन्न झाला.
यावेळी संस्थेचे अध्यक्ष व विधिकर्ते रघुनाथ ढोक म्हणाले की सत्यशोधक गोविंद माळी यांनी प्रथम मुलीचा संत सावता महाराज पुण्यतिथी दिनी दि.
19 जुलै 2020 रोजी तर मुलीच्या दिराचा 19 जुलै 2021 रोजी तर आज तुकाराम बीज दिनी मुलाचा आमच्या संस्थेच्या वतीने सत्यशोधक लावीत आहेत.हे आमचे संस्थेचे भाग्य आहे.
पुढे ढोक म्हणाले की या कुटुंबाने अनाथ संस्थेला मदत करीत फुले दाम्पत्याचे व प्रबोधनाचे ग्रंथ वाटप करीत नुकतेच आमच्या संस्थेच्या वतीने गोविंद माळी यांनी नाशिक येथे सत्यशोधक पद्धतीने जाधव कुटुंबाचा साखरपुडा सत्यशोधक पद्धतीने पार पाडला आहे.
खऱ्या अर्थाने या कुटुंबाने समाजाला आदर्श दिशा देण्याचे काम केलेले आहे.तरी सर्व समाजाने अंधश्रध्दा , कर्मकांड ,अनिष्ट रूढी परंपरा व आर्थिक उधळपट्टी न करिता आपल्या घरातील सर्व कार्य सत्यशोधक पद्धतीने पार पाडीत सत्यशोधक भारत घडविण्यासाठी महापूर्षांचे कृतिशील वारसदार बनावे असे मौलिक आवाहन देखील केले.
यावेळी सचिन अक्षता यांना एकत्रित शाल पांघरून या विवाहाची रजिस्टर नोंदणी करून नायब तहसीलदार दत्ता वायचळ lयांचे शुभहस्ते अध्यक्ष रघुनाथ ढोक यांनी सत्यशोधक विवाह प्रमाणपत्र व फुले दाम्पत्य फोटो फ्रेम भेट दिली
या प्रसंगी महात्मा फुले रचित मंगलाष्टके राष्ट्रीय ओबीसी महासंघाचे विस्वस्त प्रा.सुदाम धाडगे यांनी सत्यशोधक विवाह पद्धतीची माहिती देत गायन केले.तर अंधश्रध्दा कर्मकांड याला तिलांजली दिली म्हणून आई वडील आणि मामा मामी यांचा यावेळी सन्मानपत्र देऊन संस्थेचे वतीने सत्कार केला .
या वेळी सुरुवातीला वधू वर यांनी फुले दाम्पत्याचा वेश परिधान करून राष्ट्रीय ग्रंथ भारताचे संविधान आणि महात्मा फुले समग्र वाडमाय हातात घेऊन फुलांच्या पायघड्यावरून सनई, मृदंग,ढोलकी यांच्या गजरात आगमन करीत थोर समाजसुधारक महात्मा फुले आणि सावित्रीबाई फुले यांच्या अर्ध पुतळ्यास पुष्पहार अर्पण केला तर आई वडील मामा मामी यांचे शुभहस्ते संत तुकाराम महाराज,छत्रपती शिवाजी महाराज,शाहू महाराज,डॉ.आंबेडकर यांच्या फोटोला हार अर्पण केला .
या मुळे या सत्यशोधक विवाहाची चर्चा या परिसरात चांगलीच रंगली तर फुले दाम्पत्यानी ही पद्धत 150 वर्षापूर्वी सुरू करूनही आजही सर्रास असे कार्य घडत नाहीत याला आपणच जबाबदर असल्याचे खंत व्यक्त करताना मंडळी आढळत होती तर मुलीचे वडील म्हणाले की आम्ही सुरुवातीला तयार नव्हतो याचा आम्हास खेद वाटतोय.
या विवाहासाठी मोलाची मदत सोपान जाधव , मंडलिक यांनी केली तर सत्यशोधीका माया माळी जाधव हिने देखील आपले मनोगत व्यक्त केले तर आभार गोविंद माळी यांनी मानले.
