आटपाडीच्या देसाई महिला महाविद्यालयात महिला दिन साजरा .
डॉ . सुप्रिया साळुंखे – कदम यांचे लक्षवेधी भाषण .
जीवनाच्या प्रत्येक क्षेत्रात निम्म्या लोकसंख्येच्या महिलांना पन्नास टक्के संधी – आरक्षण मिळाले पाहीजे . आपल्या लक्षवेधी, आश्चर्यचकीत कार्य कर्तृत्वाने लाखो स्त्रियांनी जगाला दीपवून सोडले आहे . सर्वच क्षेत्रात प्राविण्य दाखविणाऱ्या या महिला शक्तीने जगाला प्रगती पथावर नेले आहे . हे लक्षात घेऊन महासत्ता बनण्यास निघालेल्या भारताने भारतमातेच्या लेकींसाठी सर्वच क्षेत्रात बरोबरीने संधी देणे न्यायाचे आहे . असे मत सुप्रसिद्ध कवयित्री – व्याख्याता डॉ . सुप्रिया साळूंखे कदम यांनी व्यक्त केले .
श्रीमती वत्सलादेवी गर्ल्स हायस्कूल व ज्युनि. कॉलेज आटपाडी येथे “जागतिक महिला दिन” उत्साहात साजरा करण्यात आला.
शिक्षक वृंद आणि कर्मचारी यांच्या उपस्थितीत हा देखणा सोहळा पार पडला. यावेळी बोलताना डॉ . सुप्रिया साळुंखे – कदम यांनी, किशोरवयीन मुलींना शारीरिक व मानसिक आरोग्य विषयक मार्गदर्शन केले, वाचनाची आवड जोपासता यावी यासाठी “पुस्तक भिशी” ही कल्पना मांडली. शाळा व गुरुजन यांचे प्रति कृतज्ञ राहण्याचे आवाहन विद्यार्थिनींना केले. आई वडिलांच्या विश्वासाला तडा जाऊन देणार नाही यासाठी शेकडो विद्यार्थीनींना वचनबद्ध केले. अतिशय भावनिक वातावरणात उपस्थित सर्व विद्यार्थीनी आणि शिक्षकांच्या ही डोळ्यांच्या कडा पाणावल्या. टाळ्यांच्या गजरात हॉलचे वातावरण दुमदुमून गेले . या कार्यक्रमाच्या अध्यक्षस्थानी प्रा.सौ. व्ही . व्ही . मोकाशी होत्या, त्यांनी आपल्या अध्यक्षीय मनोगतात महीला दिनाची पार्श्वभूमी सांगत कर्तृत्ववान महिलांच्या कार्याचा आढावा घेतला.
यावेळी सौ . अंजली नामदास मॅडम, सावंत मॅडम, माडगूळकर मॅडम, विभूते मॅडम, देशमुख मॅडम, वनिता देशमुख मॅडम, कुलकर्णी मॅडम, पवार मॅडम, पोतदार मॅडम, कुंभार मॅडम, इंकर मॅडम, मोरे मॅडम, सौ. हरिहर मॅडम या उपस्थित होत्या . प्रारंभी प्रास्ताविक सौ. काटे मॅडम यांनी केले , सूत्रसंचालन सौ. देशमुख मॅडम यांनी केले तर कार्यक्रमाचे आभार सौ . पवार मॅडम यांनी मानले. यावेळी सर्व शिक्षिकांना गुलाब पुष्प देऊन सत्कार करण्यात आला.
