राष्ट्रीय क्षयरोग नियंत्रण कार्यक्रमात आटपाडी जिल्ह्यात अव्वल
आरोग्य विभागाने तालुक्याची मान उंचावली
आटपाडी प्रतिनिधी
आटपाडी तालुक्यातील चार प्राथमिक आरोग्य केंद्र अंतर्गत 23 उपकेंद्र तालुक्यात राष्ट्रीय क्षयरोग नियंत्रण कार्यक्रमांतर्गत तालुक्याने चांगले काम केल्याने तालुका राष्ट्रीय क्षयरोग नियंत्रण कार्यक्रमात जिल्ह्यात प्रथम क्रमांक पटकावला आहे. जिल्ह्यामध्ये प्रथम क्रमांक पटकवल्याबद्दल सर्व स्तरातून आरोग्य विभागाचे कौतुक होत आहे
मुख्य कार्यकारी अधिकारी जिल्हा परिषद सांगली तसेच जिल्हा आरोग्य अधिकारी यांच्या मार्गदर्शनाखाली पारितोषिक वितरण सोहळा आयोजित करण्यात आला होता. तालुक्याच्या वतीने तालुका आरोग्य अधिकारी डॉक्टर साधना विनायक पवार यांनी सन्मानपत्र स्वीकारले.
सदर कार्यक्रम तालुक्याचे गट विकास अधिकारी मनोज भोसले यांच्या मार्गदर्शनाखाली चार प्राथमिक आरोग्य केंद्र व 23 उपकेंद्रातील वैद्यकीय अधिकारी, समुदाय आरोग्य अधिकारी, विस्तार अधिकारी आरोग्य, सहाय्यक पुरुष महिला- आरोग्य सेवक पुरुष, एसटीएस एसटीएलएस तसेच सर्व कर्मचाऱ्यांनी सदर कार्यक्रमांमध्ये उत्कृष्ट कामगिरी केल्यामुळे तालुका राष्ट्रीय क्षयरोग नियंत्रण कार्यक्रमांतर्गत प्रथम क्रमांक मिळवला त्याबद्दल तालुका आरोग्य अधिकारी यांनी सर्व अधिकारी व कर्मचारी यांचे आभार मानले.
पुरस्कार मिळालेले प्राथमिक आरोग्य केंद्र खरसुंडी व उपकेंद्र वलवन, घरनिंकी, नेलकंरजी. तर प्राथमिक आरोग्य केंद्र करगणी अंतर्गत उपकेंद्र शेटफळे ,प्राथमिक आरोग्य केंद्र आटपाडी अंतर्गत उपकेंद्र माडगुळे यांना सन्मानपत्र देऊन सन्मानित करण्यात आले.
