एसटी बस मध्ये महिलांना ५० टक्के सवलतीमुळे काळी पिवळी टॅक्सी चालक व मालकावर उपासमारीची वेळ ; राज्यात लाखो तर शिरपूर तालुक्यात हजारों कुटंब रस्त्यावर

एसटी बस मध्ये महिलांना ५० टक्के सवलतीमुळे काळी पिवळी टॅक्सी चालक व मालकावर उपासमारीची वेळ ; राज्यात लाखो तर शिरपूर तालुक्यात हजारों कुटंब रस्त्यावर

त-हाडी: प्रतिनिधी — राज्य सरकारने महिलांना एसटी बस मध्ये पन्नास टक्के सवलत दिलेली आहे. या निर्णयामुळे महिलनांमध्ये आनंदी वातावरण पाहायला मिळत असले तरीही दुसऱ्या बाजूला काळी पिवळी परमिट टॅक्सी मालकांसमोर मोठे आर्थिक संकटाचे डोंगर उभे राहिले आहे.शासनाच्या या निर्णयामुळे काळी पिवळी परमिट टॅक्सी मालक – खाजगी चालक यांच्यासह ट्रॅव्हल्सच्या व्यवसायाला ताळे लावण्याची वेळ समोर येऊन उभी राहिली आहे. या व्यवसायावर अवलंबून असलेल्या गाडी मालक – चालक व ईतर वाहनचालक एजंट आदींवर उपासमारीची वेळ येऊन ठेपली असून त्यांचे कुटुंबावर उपासमारीच्या खाईत लोटले जात आहेत. राज्यातील लाखो तर एकट्या शिरपूर तालुक्यातील हजारों कुटंब या निर्णयामुळे प्रभावीत झाले असून आर्थिक संकटात सापडले आहेत.

— नुकताच राज्य सरकारने संपूर्ण महाराष्ट्र राज्यात एसटी प्रवासात महिलांना पन्नास टक्के तिकीट दरात सवलत दिल्याचा निर्णय घेतला आहे. या निर्णयाचे महिला वर्गात जोरदार स्वागत पण झाले आहे. शिरपूर येथे या निर्णयामुळे काळी पिवळी परमिट टॅक्सी व इतर खाजगी वाहन प्रवासी करणाऱ्या वाहन चालक व मालकावर आर्थिक दृष्ट्या कंबरडे मोडल्याचे दिसत आहे. काळी पिवळी व इतर खाजगी वाहनांची एक फेरी सुद्धा पूर्ण होत नसल्याने व प्रवाशांची वाट बघत संपूर्ण दिवस वाट पाहण्यातच निघून जात आहे. काळी पिवळी परमिट टॅक्सी वाहने तासंतास रिकामी दिसत आहे. सरासरी पुरुषांच्या सोबत महिलाही हमखास असतात महिलांना ५० टक्के प्रवास भाड्यात सूट असल्याने त्यांच्या बरोबर असलेल्या पुरुषांनाही एसटी बस मधून प्रवास करण्याचा निर्णय घ्यावा लागत आहे.

परिणामी दिवसभर काळी – पिवळी परमिट टॅक्सी गाड्या सतत रिकामी दिसल्याने इतर कोणतेही प्रवासी या वाहनात बसत नसून व फेऱ्या कमी होत असल्याने इंधनाचे खर्च पण निघत नसल्याचे काळी पिवळी व इतर चालकांनी सांगितले.काळी पिवळी चालकांना इंधन खर्च, पासिंग खर्च धुवा पावती ,बॅच बिल्ला ,इन्शुरन्स खर्च ,वाहन मॅयलेज, पर्यावरण खर्च वाढत आहे .काही काळी पिवळी वाहन चालकांनी आपली शेती विकून फायन्स कंपनी व बँकेचे कर्ज घेऊन वाहन खरीदी केली तर काही चालकांनी आपल्या घरातील सोने विकून या वाहनांची खरीदी केली आहे. शासनाच्या या निर्णयामुळे मोठ्याप्रमाणात बेरोजगारीचे संकट उभे राहणार असून खाजगी ट्रॅव्हल्स व काळी पिवळी मालक – चालकांची तसेच त्यावर अवलंबून असलेल्या एजंटने शासनाकडे निर्णयाचा पुनर्विचार करण्याची मागणी केली आहे. नसता शासनाने त्यांच्या कुटुंबावर ओढवलेल्या या संकटातून बाहेर काढण्यासाठी पूरक निर्णय घ्यावा त्यांचे परमिट जमा करून त्यांना इतर व्यवसायात सामावून घ्यावे अथवा नोकरी देऊन संकटातून बाहेर काढावे.

या व्यवसायात असणंच्या असणाऱ्या लाखोंच्या संख्येने काळी – पिवळी परमिट टॅक्सी मालक – चालक तसेच खाजगी ट्रॅव्हल्स कंपनीच्या सदस्यांवर उपासमारीची वेळ येऊन ठेपली आहे. शिरपूर शहरासह तालुक्यात सुमारे २५२ ते ३१० काळी पिवळी टॅक्सी असून इतर १०० ते १५० रिक्षा, अप्पे रिक्षा असून परिणामी तीन ते पाच हजार चालक व मालकांच्या कुटुंबीयांना उपासमाराची वेळ आली आहे. या वाहन चालकांना आपली उपजीविका भागवण्यासाठी व आपल्या कुटुंबीयांना पालन पोषण करण्यासाठी दुसऱ्या कामाच्या शोधात बाहेर पडण्याची वेळ आली आहे.

प्रतिक्रिया

कैलास साळुंखे
चालक मालक टॅक्सी युनियन शिरपूर -शहादा
अध्यक्ष