हज यात्रेसाठी सांगली जिल्ह्यातून 276 जणांची निवड
138 जणांची प्रतीक्षा यादीत नोंद….हाजी मुनीरभाई अत्तार यांची माहिती
सांगली/प्रतिनिधी
पवित्र हज यात्रेसाठी अल्पसंख्याक मंत्रालय भारत सरकार व हज कमिटी ऑफ इंडियातर्फे डिजिटल रँडम सोडत जाहीर केली असून यावर्षी सांगली जिल्ह्यातून 276 हज यात्रेकरूंची निवड झालेली आहे.अशी माहिती खिदमत हुज्जाज कमिटी चे हाजी मुनीरभाई अत्तार यांनी दिली.
यावर्षी सांगली जिल्ह्यातून 414 जणांनी हज यात्रेसाठी ऑनलाईन अर्ज दाखल केले होते.पैकी 276 जणांची हज यात्रेसाठी निवड झालेली आहे तर 138 अर्जदारांची प्रतीक्षा यादीमध्ये नोंद झाली आहे. प्रतिक्षा यादीतील हज यात्रेकरूंची ऊपलब्ध होणाऱ्या जागांमधून निवड करण्यात येईल. तसेच निवड झालेल्या हजयात्रेकरूंनी 12/ 4 / 2023 पूर्वी पहिला हप्ता 81,800/- रू.हज कमिटीकडून दिलेल्या मुदतीत भरावयाचा आहेमुदतीत रक्कम भरणा न झाल्यास आपली सीट रद्द होऊ शकते. सदरची रक्कम हज कमिटीच्या पे ईन स्लिपद्वारे स्टेट बँक ऑफ इंडिया किंवा युनियन बँक ऑफ इंडियाच्या कोणत्याही शाखेतून कोर बँकींगने भरणा करावयाची आहे.अशी माहिती हाजी मुनीर भाई अत्तार यांनी दिली
हज कमिटीच्या वेबसाईटवरून आपल्या सोयीच्या बँकेची पे इन स्लिपची प्रिंट घ्यावी किंवा सांगली येथील खिदमत हुज्जाज कमिटीच्या शंभर फुटी रोड हॉटेल शिवप्रसाद जवळ कार्यालयात उपलब्ध आहेत.या कार्यालयातून हज कमिटी ऑफ इंडियाची पे इन स्लिप व मेडिकल फिटनेस सर्टिफिकेटचा नमुना उपलब्ध केलेला आहे. सदरची रक्कम भरून कागदपत्रे महाराष्ट्र राज्य हज कमिटी, मुंबई येथे सादर करण्याचे आहेत.
भरणा केलेल्या रकमेची मूळ पावती, आपला मेडिकल व फिटनेस दाखला, आपला ऑनलाईन भरलेला हज आपलिकेशन फॉर्म, त्यासोबत जोडलेली कागदपत्रे, मूळ पासपोर्ट व फोटो आदी कागदपत्रे हज कमिटी मुंबई येथे जमा करावयाचे आहेत.
हज यात्रेकरूंच्या सोयीसाठी सांगली येथील खिदमत हुज्जाज कमिटी कडून कागदपत्रे महाराष्ट्र राज्य हज कमिटी मुंबई येथे पोहोच करण्याची मोफत व्यवस्था करण्यात आली आहे. लवकरात लवकर खिदमत हुज्जाज कमिटीच्या कार्यालयात आपली कागदपत्रे पोहोच करावीत तसेच याबाबत काही अडचण अथवा समस्या असल्यास तात्काळ खिदमत हुज्जाज कमिटी सांगली येथे संपर्क करावा असे आवाहन हाजी मुनीर भाई अत्तार यांनी केले.
