आर सी पटेल प्राथमिक शाळा टेकवाडे येथे नवागतांचे स्वागत
त-हाडी प्रतिनिधी
आर सी पटेल मराठी प्राथमिक शाळा टेकवाडे येथे आज दिनांक 15 जून 2023 रोजी शाळा प्रवेशोत्सव म्हणजेच नवागतांचे स्वागत हा कार्यक्रम घेण्यात आला या कार्यक्रमाचे अध्यक्षस्थानी टेकवाडे गावाचे सरपंच सुखदेव वाघ होते तसेच प्रमुख अतिथी म्हणून शालेय व्यवस्थापन समितीचे उपाध्यक्ष श्रीकृष्ण वाडीले पीक संरक्षण सोसायटी टेकवाडे माजी चेअरमन विजय चौधरी ग्रामपंचायत सदस्या ज्योतीताई पारधी ग्रामपंचायत सदस्य प्रतिनिधी प्रतिनिधी गोरख कोळी उपस्थित होते.
सर्वप्रथम संस्थेचे आश्रय दाते स्व. खासदार भाईसाहेब मुकेश भाई पटेल यांना पुण्यतिथीनिमित्त विनम्र अभिवादन करण्यात त्यानंतर माता सरस्वती यांच्या प्रतिमा पुजनाने कार्यक्रमाची सुरुवात झाली नंतर उपस्थित मान्यवरांचा शाळेच्या वतीने सत्कार करण्यात आला त्यानंतर शाळेत नवीन प्रवेश घेतलेल्या विद्यार्थ्यांचे बुके देऊन स्वागत करण्यात आले तसेच उपस्थित विद्यार्थ्यांना शासनाच्या वतीने मिळणारी मोफत पाठ्यपुस्तके प्रमुख अतिथींच्या हस्ते वाटप करण्यात आली. शालेय व्यवस्थापन समितीचे उपाध्यक्ष श्रीकृष्ण वाडीले यांच्याकडून उपस्थित सर्व विद्यार्थ्यांना बिस्किटे व शेंगदाण्याची चिक्की तसेच शाळेकडून चॉकलेट असा खाऊ देण्यात आला. शाळेतील काही विद्यार्थ्यांनी प्राण्यांच्या विविध भूमिका करून विविध गाण्यांवर नृत्य सादर केले पहिल्याच दिवशी विद्यार्थ्यांची उपस्थिती समाधानकारक होती
शाळेचे मुख्याध्यापक रवींद्र खोंडे यांनी विद्यार्थ्यांना दररोज शाळेत उपस्थित राहण्याबद्दल आवाहन केले. शाळेत होणारे बदल उपस्थित मान्यवर पालकांना समजावून सांगितले व या शाळेत प्रवेश घेण्याचे आवाहन केले. कार्यक्रमाचे सूत्रसंचालन इंग्रजी शिक्षक अनिल माळी यांनी केले तर कार्यक्रम यशस्वीतेसाठी उपशिक्षक संजय पटेल उपशिक्षिका बबीता काटोळे, जयश्री पाटील, बालवाडी शिक्षिका सुनंदा सोनार शिक्षकेतर कर्मचारी भाईदास पावरा, अभिजीत कोळी यांनी परिश्रम घेतले.
