२५ टक्के अग्रीम पिक विमा तात्काळ मंजुर करुन शेतकऱ्यांच्या खात्यात जमा करा— प्रफुल्ल पाटील
==================≠==========================
त-हाडी!प्रतिनिधि!
पावसाळा संपत आला तरी अजुन देखील पिका योग्य पाऊस पडला नसुन
भुरभुरीच्या पावसावर पेरणी केलेली पिके ऐन फुलाच्या बहरात आहेत. आणि पाउस मात्र पडत नसल्याने आता हातातोंडाशी आलेला घास जाणार हे जवळपास निश्चित समजले जात असल्याने शेतकरी राजा चिंतेत आहे. दुष्काळ सुदृश्य परिस्थितीतीची लक्षणे जाणवत असल्याने शेतकऱ्यांनी भरलेल्या पिक विम्याचा २५ टक्के अग्रीम तात्काळ मंजूर करून सदरिल रक्कम शेतकऱ्यांच्या खात्यात जमा करावी अशी मागणी भारतीय जनता पक्ष तालुका माजी उपाध्यक्ष व,त-हाडी ग्रामपंचायत सदस्य प्रफुल्ल पाटील यांनी केली आहे.
या बाबत अधिक माहिती अशी की संपुर्ण राज्यासह धुळे जिल्ह्यात मृग नक्षत्रापासुन आजपर्यंत मोठा पाउस पडला नाही. भुरभरी पावसावर शेतकऱ्यांनी काळ्याआईची ओटी भरली.या वर्षी शिरपूर तालुक्यात कापूस ,मका,पिकाची पेरणी मोठ्या प्रमाणावर करण्यात आली असून अधुनमधून होणाऱ्या थुईथुई पावसाने हि पिके चांगली आली होती.
सध्या हि पिके ऐन फुलाच्या बहरात असतानाच पावसाने ओढ दिली आहे.आणि तप्त पडणाऱ्या ऊन्हात कोवळी पिके करपू लागली दिवसा ऊन आणि रात्री टिपुर चांदणे अशी परिस्थिती निर्माण झाली आहे. तर काही शेतकरी थोड्याफार प्रमाणावर पाणी असणाऱ्या पिकाला तुषारने पाणी सोडुन भिजवत असले तरी सर्व क्षेत्र भिजत नाही. आणि पाऊसही पडत नाही.
त्यामुळे हातातोंडाशी आलेला घास निसर्ग हिरावून घेत असल्याने आणि पावसाचे दिवस संपत आल्याने दुष्काळ पडतो की काय अशी चिंता बळीराजाला सतावु लागली आहे. त्यामुळे त्यांनी भरलेला पिक विमा त्याचा २५ टक्के अग्रीम पिक विमा शासनाने तात्काळ मंजूर करुन सदरील रक्कम शेतकऱ्यांच्या खात्यावर वर्ग करावी. अशी मागणी भारतीय जनता पक्ष तालुका माजी उपाध्यक्ष व त-हाडी ग्रामपंचायत सदस्य प्रफुल्ल पाटील यांनी प्रसिद्धीस दिलेल्या पत्रकात म्हटले आहे.
सोबत फोटो. प्रफुल्ल पाटील
