पत्रकारांच्या विविध प्रलंबित मागण्यासाठी व्हॉईस ऑफ मिडीयातर्फे शिरपूर प्रांताधिकारी यांना निवेदन

व्हॉईस ऑफ मिडीयातर्फे सोमवारी राज्यस्तरीय आंदोलन

पत्रकारांच्या विविध प्रलंबित मागण्याची तात्काळ पूर्तता करावी यासाठी व्हॉईस ऑफ मिडीयातर्फे सोमवारी राज्यस्तरीय आंदोलन पुकारण्यात आले असून शिरपुरात प्रांताधिकारी प्रमोद भामरे यांना व्हॉईस ऑफ मिडीया संघटनेतर्फे शहर व तालुक्यातील पत्रकारांच्या उपस्थितीत निवेदन देण्यात आले.व्हॉईस ऑफ मिडीया संघटनेतर्फे देण्यात आलेल्या निवेदनानुसार ज्या पत्रकारांना पत्रकारितेत दहा वर्षे पूर्ण झाली आहेत.

अशा पत्रकारांना अधिस्वीकृती पत्रिका देण्यात यावे. राज्याच्या माहिती महासंचालनालयाने शासनाचे पोर्टल तयार करुन, त्या पोर्टलवर नव्याने पत्रकारितेची पदवी पूर्ण
किंवा किमान तीन महिने पत्रकारितेचे प्रशिक्षण पूर्ण केलेल्या पत्रकारांना अधिकृत पत्रकार म्हणून प्रमाणपत्र देण्यात यावे.

राज्यातील प्रिंट मीडियातील माध्यमांना जाहिराती देतांना डावलण्याचा प्रकार समोर आला असून सदर प्रकार थांबून त्यांना जाहिराती देण्यात याव्यात.सर्वांना जाहिराती मिळतील याचे नवीन निकष तातडीने तयार करावेत.तसा शासन निर्णय काढावा.पत्रकारांसाठी स्वतंत्र महामंडळ स्थापन करण्यात यावे.माहिती महासंचालनालयतर्फे सकारात्मक पत्रकारितेला प्रोत्साहित पुरस्कार देण्यात यावे.यासह अनेक मागण्या निवेदनातून करण्यात आल्या आहेत.निवेदनावर शहर व तालुक्यातील विविध पत्रकार संघटनांचे पदाधिकारी व पत्रकारांनीं सह्या आहेत